"Ronaldo maka di’ak iha Mundu, ida seluk iha nia kotuk"

Extremu portugés dehan tán katak la presiza agradese Ronaldo ba asisténsia golu sira.

 

 

Foto: EPA / MARIO CRUZ

Quaresm haree Ronaldo marka golu iha Dinamarca nu’udar papel desizivu ida ho Arménia

 

Ricardo Quaresma laiha dúvida atu fó sai ideia duelo Ronaldo-Messi iha jogu ne’ebé sei hala’o Tersa entre Portugal no0 Arjentina, hodi suporta ninia kolega ekipa atu sae tán ba leten.

 

"Ami toman ona hasoru luta ida ne’e, maibé Cristiano maka di’ak liu iha mundu, ida seluk iha ninia kotuk", dehan extremu portugés ho tinan 31 katak, halo oinsa de’it mós rekoñese valór arjentinu nian: "Arjentina maka selesaun mundiál ne’ebé di’ak no, meski sai hanesan jogu partikulár, sempre iha interese. No hanesan ami nia hakarak maka atu manán".

 

Internasionál portugés lasimu rótulu 'arma sekreta': "Ha’u-nia objetivu maka atu sai titulár, hanesan kualkér jogadór, tanba ne’e presiza aproveita oportunidade hirak ne’e. Ha’u sente kontente iha momentu balun ne’ebé ha’u liu daudaun, maibé ha’u hakarak joga nafatin, tantu iha klube ká iha Selesaun. Atu hetan liu tán kualidade ne’ebé iha, karik laiha konfiansa ba ema ne’ebé haruka ita ba joga, ne’e sei sai susar atu joga."

 

Portugal sei joga hasoru Arjentina Tersa, tuku 19h45, iha Manchester, estádiu Old Trafford.

 

SAPO TL ho SAPO Desporto

tags: