"Benfica sai funu-nain", dehan Luisão

Benfica manán Mónaco 1-0 iha jogu faze grupu Liga Kampeaun.


 

Kapitaun ekipa Benfica nian.

 

Luisão, iha deklarasaun ba TVI 24, konsidera katak segredu vitória Benfica nian hasoru Mónaco iha atitude ida nu’udar funu-nain husi jogadór hotu hotu.

 

“Ohin Benfica sai funu-nain, Benfica ne’ebé luta maka’as tanba ne’e ami konsege hetan rezultadu ida ne’e. Ami halo buat hotu, ema hotu merese hetan. Adeptu sira konsege dudu ami no golu finál ami dedika ba sira”, komesa dehan.

Talisca sai fali hanesan jogadór ne’ebé marka golu dala ida tán. Luisão konsidera katak ninia kompatriota importante tebes, maibé fó hanoin katak nia só marka golu  tanba iha ekipa ida ne’ebé ajuda hodi ba to’o ba baliza.

 

“Talisca halo golu to’o agora, maibé ekipa ajuda nafatin. Nia mak marka golu, maibé avansadu sira serbisu maka’as atu nune’e nia bele ba to’o iha baliza baliza no hodi marka”, deklara.

 

Ho rezultadu ne’e mak Benfica luta nafatin hodi tama ba faze tuir mai husi prova milionária nian.

 

SAPO TL ho SAPO Desporto

 

tags: