TASA JUDISIÁL 18 OUTUBRU TO'O 9 NOVEMBRU

Entidade judisiál  (Tribunál, Prokuradoria-Jeral Repúblika no Ministériu Públiku, Defensoria Públika no Advogadu Privadu) no Programa Monitorizasaun Sistema Justisa (JSMP) sei hala’o kampeonatu desportivu ida ne’ebé hanaran Tasa Judisiál, iha loron-sábadu no domingu, entre  loron 18 Outubru no 9 Novembru.

 

 

Kampeonatu ida ne’e sei envolve jogu futeból ba mane 7, basketeból mane no feto no voléibol mane no feton.

 

Tuir komunikadu husi organizasaun katak eventu desportivu ne’e ninia objetivu atu "promove direitu sidadaun sira nian hodi bele hetan asesu ba justisa, hodi halo relasaun institusionál sai besik liu, hametin moris sosiál husi operadór judisiál sira, promove saúde no moris di’ak husi ema tomak ne’ebé envolve iha setór justisa no buka sai ekilíbriu hodi aproveita atu kumpri tarefa loroloron nian no momentu deskompresaun, lazer no divertimentu".

 

Abertura ne’e sei hala’o iha loron-sábadu, hahú husi tuku 8h, iha Kampo Phoenix, iha Caicoli, Díli, ho liafuan badak husi Komisaun organizadora, diskursu abertura husi Prezidente Tribunál Rekursu no jogu dahuluk ne’ebé hala’o husi Futebol entre no Tribunal Rekursu vs Advogadu Privadu sira.

 

SAPO TL