Benzema sai husi banku hodi fó vitória ba Real

Real Madrid komesa lakon maibé maibé konsege fó volta ba rezultadu ho golu sira husi Ronaldo no Benzema.

 

 

Foto: AFP PHOTO / NIKOLAY DOYCHINOV

Benzema sai husi banku hodi fó vitória ba Real Madrid

 

Iha loron-kuarta kampeaun ne’ebé sai títulu Real Madrid manán Ludogorets da Bulgária 1-2, iha jogu kualifikasaun daruak husi Grupo B da Liga dos Campeões, ne’ebé hala’o iha Estádio Vasil Levski, iha Sófia. Karim Benzema tama iha minutu 67 no, hafoin liu minutu sanulu, marka golu ne’ebé fó vitória ba españól sira. Ronaldo mós marka penálti, hafoin hetan falla iha tentativa dahuluk, no sei halo golu ida ne’ebé lavale iha jogu.

 

Carlo Ancelotti aposta ho modifikasaun ba jogadór sanulu resin-ida, iha 4x4x2, ho Chicharito Hernández no Cristiano Ronaldo halo atake. Bale joga maibé ladun ba oin, husi Modric nia sorin, Isco no Illaremendi, nain rua ne’e merese hetan konfiansa husi treinadór italianu. Pepe, liu ona periodu ida ne’ebé para de’it tanba lezaun, tur de’it iha banku suplente, nune’e hanesan ho Kroos, James no Benzema, na’in tolu ne’e mak tama iha jogu segunda parte.

Iha Ludogorets, destake ba titularidade portugés Fábio Espinho iha meiu-kampo

 

 

 

Hafoin joga iha minutu neen, búlgaros Ludogorets marak golu ida ho kabesa husi Marcelinho,hafoin xuta bola kantu ida.

 

Hafoin liu uitoan, Cristiano Ronaldo hetan oportunidade hodi halo empata ba jogu hahú iha konversaun penalidade bot maibé guardiaun kampeaun búlgaro adiviña internasionál portugés remata ba sorin, hodi nune’e golu empata ba Real Madrid la akontese. Maski nune’e, iha minutu 25, árbitru fila hodi marka penálti kontra ekipa ba uma-nain no, iha tentative foun, madeirense la falla, empata iha jogu hahú.

 

Entre penalidade bot rua, CR7 ekipa arbitrajen sei nega golu ida ne’ebé dun katak ne’e fora de jogu.

 

Iha segunda parte, hala’o jogu minutu 55, Chicharito halo buat hotu hodi lori Real Madrid iha vantajen maibé avansadu mexikanu fó tan defeza avansadu ida hodi finaliza, falla forma eskandaloza iha kontra-atake merengés nian. Se mexikanu la halo di’ak durante jogu, nia mós labele dehan Isco, ne’ebé hatene kontrola meio-kampo.

 

Karim Benzeman sai husi banku iha minutu 67, ba troka Chicharito, no internasionál fransés só joga de’it minutu sanulu 10 marka no fó vitória ba formasaun kapitál española. Bola pasa husi Marcelo parte sorin karuk.

 

Real Madrid termina ho jogu kualifikasaun daruak hodi lidera Grupu B, ho pontu neen. Basileia no Liverpool hetan pontu tolu no Ludogorets seidauk hetan pontu.

 

Iha jogu seluk husi Grupo B, Basileia manán Liverpool 1-0.

 

SAPO TL ho SAPO Desporto

tags: