Real Madrid 5-1 Elche

Treinadór Elche kompara CR7 ba Jordan: "Nune’e mós estuda Jordan iha NBA no nia halo pontu 50 husi jogu", dehan.

 

 

Cristiano Ronaldo

 

Ida ne’e mak Cristiano Ronaldo lolos. Internasionál portugés nia ho"ain-manas" no iha Tersa horisehik  sobu baliza adversáriu nian. Bainhira hasoru Elche iha nia kampo rasik, husi golu lima ne’e avansadu Real Madrid marka golu haat hodi lori vitória merengés ba 5-1.

Iha loron-Sábadu portugés halo ona hat-trick hodi manán 8-2 ba Deportivo da Corunha. CR7 marka golu hitu iha loron haat nian laran, marka golu sia iha jogu haat ne’ebé nia halo iha Liga Española, ida ne’e mak halo nia sai markadór atuál kampeonatu españól ne’ebé di’ak liu. Iha jogu hothotu, Ronaldo marka ona golu 208 iha Liga Española no  sai ona markadór dala haat nian ne’ebé di’ak liu iha kompetisaun, nia iha Di Stefano nia kotuk ho (255), Raúl (253) no Santillana (242). Ohin nia liu ona Puskas ne’ebé iha golu(205).

Iha Bernabéu ema hakilar dehan "Ronaldo, Bola de Ouro". Alén adetus merengés, nomós treinadór adversáriu ne’ebé hatudu nia rende ba CR7. Fran Escribá fó hanoin Michael Jordan hodi esplika katak imposível atu hapara internasionál portugés.

"Futebolista ida ne’ebé extraordináriu, ho kapasidade ida ne’ebé impresionante. La presiza atu estuda kona-ba nia. Iha NBA mós Michael Jordan halo estuda no nia halo  pontu 50. Se Cristiano atu marka penalti, buat hotu sai fásil liu tán. Maibé ba nia lapresiza. Ha’u nia estudu mak foka liu iha ha’u-nia ekipa no la’ós ba iha adversáriu", tékniku Elche haktuir.

 

Sapo TL ho SAPO Desporto

 

tags: