Levante 0-5 Barcelona

Barcelona halakon Levante (0-5) iha Valencia no konkista ona ninia vitória dahitu ne’ebé tuituir malu.

 

 

Foto: JOSE JORDAN / AFP

 

Neymar, Rakitic, Sandro, Pedro no Messi kria vitória "blaugrana".

 

FC Barcelona horisehik manten ninia perkursu ho vitória porsentu 100, no laiha golu ida mak nia sofre, iha Liga española, hodi manán Levante 5-0, iha jogu ba dala haat nian.

 

Brazileiru Neymar, ba minutu 34, kroata Ivan Rakitic, ba minutu 44, Sandro, ba minutu 57, Pedro Rodriguez, ba minutu 64, no arjentinu Lionel Messi, ba minutu 77, hafoin asisténsia rua no falla tanba penálti, sira mak marka vitória katalaun nian.

 

Messi, ne’ebé manán iha penálti ida ne’ebé hodi duni sai Loukas Vyntra, ba minutu 41, aponta ninia golu datoluk iha prova, hafoin golu "rua" iha jogu hahú, hafoin simu no joga hasoru Elche, no ninia golu sura hamutuk, golu 246 iha Liga española, hela golu lima tán atu hanesan ho rekordista Zarra.

 

Ho vitória, "Barça" hetan pontu 12, ho golu 11 ne’ebé marka ona no sidauk sofre golu ida, hela golu rua tán duke Sevilha, vensedór 3-1 iha Córdoba, ho golu "rua" husi kolombianu Carlos Bacca no ida husi kamaronés Stéphane M’bia.

 

Iha formasaun sevilhana, Daniel Carriço joga iha minutu 90, Diogo Figueiras tama iha minutu 61 no Beto la sai husi banku.

 

Valência, husi Nuno Espírito Santo, nia mós bele hamutuk ho detentór sira husi Liga Europa, atu bele halo oinsa hodi bele manán  iha Getafe nia kampo ba iha loron-segunda .

 

Iha jogu sira seluk ohin ninian, destaka ba Almeria, ne’ebé manán 2-1 iha redutu Real Sociedad, enkuantu Villarreal manán 4-2 ba Rayo Vallecano (ho Zé Castro no Licá iha minutu 90), hafoin lakon 2-0: Luciano Vietto desidi, iha minutu 74 no 87.

 

Iha loron-sábadu, Real Madrid halakon “Depor”  8-2, ho "hat-trick" husi Cristiano Ronaldo, Duda salva Málaga ne’ebé lakon iha redutu Espanyol iha deskontu (2-2) no Atlético de Madrid empata iha nia uma rasik ho Celta de Vigo (2-2).

 

SAPO TL ho SAPO Desporto ho/ Lusa

tags: