Primeira-dama Isabel Ferreira organiza torneiu futeból hodi promove sidadania

Primeira-dama, Isabel Ferreira, sei organiza torneiu futeból hodi promove sidadania no komportamentu sosiál sira ho responsável liután, ohin fó sai komunikadu iha ninia gabinete.



 

Torneiu Futebol Taxa Primeira-dama 2014 sei hala’o iha férias eskolár nian husi fulan-novembru no dezembru no envolve ekipa haat husi sub-12, ne’ebé patrosina husi empreza timoroan sira, maka sei ba aprezenta ofisialmente iha loron-sábadu.

"Programa ne’e hakarak atu insentiva atividade sira ba nível komunitáriu ne’ebé promove kolaborasaun entre komunidade lokál, autoridade lokál no nasionál sira, no komunidade emprezariál timoroan, liuhosi prátika desportiva", refere komunikadu.

Tuir dokumentu, torneiu hakarak mós atu dezenvolve "espíritu sidadania hamutuk ho jogadór, treinadór no família sira, hodi promove atitude no komportamentu sira sai responsável liután, voluntáriu, solidáriu no tolerante ba ema seluk".

Torneiu, ne’ebé sei promove prátika futeból, inklui elementu femininu, sei hala’o hamutuk Federasaun Futeból Timor-Leste no ho Sentru Treinu Futeból Juvenil Timor-Leste.

Sapo TL ho Lusa

 

tags: