“Ha’u mai Arsenal desizaun ida ne’ebé los”- WELBECK

Avansadu inglés ne’ebé troka Manchester United husi ‘gunners’ admiti katak hanoin ona kata atu joga iha klube londrinu.



Foto: JUSTIN TALLIS / AFP


Jogadór inglés troka Manchester United ho Arsenal


Danny Welbeck afirma iha loron-kuarta katak foti ona desizaun ne’ebé bele troka Manchester United ba fali Arsenal.


Hato’o deklarasaun sira ba site ofisiál ‘gunners’, avansadu hatutan ona katak hanoin ona oinsa atu joga iha Arsenal no agora maka sei ba hatudu ninia kualidade nu’udar jogadór.


“Ha’u hanoin tiha ona atu joga ba Arsenal. Desde tinan sei ki’ik joga iha Manchester United no sai hanesan períodu ida ne’ebé fantástiku tebes. Maibé ha’u hanoin katak ida ne’e mak pasu ida tuir mai ba ha’u nia dezenvolvimentu, ha’u mai iha Arsenal no hatudu saida maka ha’u bele halo nu’udar jogadór. Ha’u fiar katak ba Arsenal ne’e sai hanesan desizaun lolos”, nia deklara.


Internasionál inglés protagoniza transferénsia barak husi oras ikus ninia bainhira taka tempu kontratu ninian. Welbeck husik ‘red devils’ hafoin halo hotu tiha ninia formasaun iha klube sidade Manchester. Iha Arsenal, internasionál inglés sei hatais kamizola 23.


Sapo TL ho SAPO Desporto

tags: