Kursu Treinadór Basketeból husi 11 to’o 22 Agostu

Federasaun Nasionál Basketeból Timor-Leste horisehik aprezenta Kursu Treinadór Basketeból nian, ne’ebé sei hala’o husi 11 to’o 22 Agostu, iha Akademia Polísia Nasionál Timor-Leste, iha Komoro, Díli, fó sai komunikadu husi komisaun organizadora.


Kursu ne’ebé maka hetan apoiu husi Solidariedade Olímpica no husi Federasaun Internasionál Basketeból, José Monteiro haruka,treinadór no formadór portugés ne’ebé iha esperiénsia, hodi orienta kursu. Objetivu maka atu dezenvolve no hasa’e kualidade basketeból nian ne’ebé pratika iha Timor-Leste.

 

Partisipante sira maka treinadór, árbitru no atleta basketeból, profesór no estudante sira husi Edukasaun Fízika, membru sira seluk husi klube no organizasaun sira seluk ne’ebé iha interese hodi hadi’a kapasidade treinu ekipa basketeból ho kualidade ne’ebé di’ak.

 

Bainhira kursu remata sira sei simu sertifikadu hodi konfirma katak sira kompleta nível dahuluk nian husi formasaun hanesan treinadór sira husi basketeból tuir padraun internasionál sira.

 

Kursu ne’e loke ba partisipante sira ne’ebé laiha formasaun ká esperiénsia iha tempu uluk. Sei iha vaga ba ema seluk ne’ebé iha interese atu tuir.

 

Atu hatene liu tán informasaun no rejistu kona-ba kursu ne’e bele kontatu Leandro Santos: +670 7725 0538 ká haruka email ba: leandrosantos@live.com.pt

 

Federasaun Nasionál Basketeból Timor-Leste apoiu husi Sportimpact hodi hetan apoiu internasionál no atu promove eventu ne’e hodi hetan partisipasaun barak liu tán.

 

 @SAPO TL