Ranking FIFA: Portugal kontinua iha fatin datoluk, Timor-Leste iha pozisaun 191

Portugal kontinua iha fatin datoluk iha ranking FIFA nian, ne'ebé fó sai iha loron-kinta ne'e iha site ofisial hosi organizmu ne'ebé kaer futebol mundial, ho top-10 la muda ho ranking fulan-Janeiru nian. 

 

 

Selesaun luzu, atual kampeaun europeia, tama iha postu datoluk hafoin Brazil (pozisaun daruak) no Alemaña ne'ebé maka lidera nafatin.

 

Hafoin Portugal, iha Arjentina iha pozisaun haat, no pozisaun dalima okupa fali hosi Béljika.

 

Destake ba Islándia, nasaun ne'ebé ba dala uluk iha tinan ne'e, iha Rúsia, sei tuir Kampeonatu Mundu ida, sa'e fatin rua, ba pozisaun 18.

 

Kongo hetan aumentu maka'as iha fulan-Fevereiru, aumenta fatin ualu ba pozisaun 88, Ejiptu hanesan selesaun ida ne'ebé maka tuun pozisaun maka'as tuun ba pozisaun 43.

 

Cabo Verde hetan pozisaun ida no okupa fatin 62, tuir Guiné-Bissau, ne'ebé lakon fatin 11 no tuun ba pozisaun 94. Nasaun sira ne'ebé la tama iha top-100 kontinua nafatin ho Mosambike (pozisaun 107), Angola (pozisaun 141), São Tomé & Prínsipe (pozisaun 179), Makau (pozisaun 186) ho Timor-Leste iha pozisaun 191.

 

- ‘Ranking’ FIFA nian iha loron 15 Fevereiru:

 

1. (1) Alemaña, ho pontu 1.602.

2. (2) Brazil, ho pontu 1.484.

3. (3) Portugal, ho pontu 1.358.

4. (4) Arjentina, ho pontu 1.348.

5. (5) Béljika, ho pontu 1.325.

6. (6) España, ho pontu 1.231.

7. (7) Polónia, ho pontu 1.213.

8. (8) Suísa, ho pontu 1.190.

9. (9) Fransa, ho pontu 1.183.

10. (10) Xile, ho pontu 1.153.

 

(...)

 

62. (63) Cabo Verde, ho pontu 532.

94. (83) Guiné-Bissau, ho pontu 409.

107. (108) Mosambike, ho pontu 310.

141. (142) Angola, ho pontu 200.

179. (179) São Tomé & Prínsipe, ho pontu 94.

186. (186) Makau, ho pontu 65.

191. (191) Timor-Leste, ho pontu 44.

 

Fonte: Lusa