Lionel Messi sai hosi Barcelona lahó folin ruma bainhira iha independénsia

Kontratu foun hosi futebolista Lionel Messi kalkula nia saída hosi FC Barcelona lahó folin ruma bainha Catalunha sai independente, fó sai hosi jornal españól El Mundo iha loron-sesta ne'e. 

 

 

Messi determina kláuzula ida iha kontratu ne'ebé asina iha fulan-Novembru liubá - ho saláriu ida hamutuk euro millaun 35 tinan-tinan to'o tinan 2021 - ne'ebé kalkula katak, bainhira iha independénsia hosi Catalunha, nia saída maka laiha kompensasaun klube iha kláuzula hosi anulasaun, ho 700 ME.

 

Akordu hatete mós, tuir El Mundo, katak futebolista arjentinu aseita kontinua iha klube bainhira ‘Barça’ halo de'it parte iha Liga europeia prinsipal sira, liuliu ingleza española, franseza ka alemaun.

 

Imprensa española afirma katak fonte sira hosi FC Barcelona lakohi halo deklarasaun sira kona-ba kontratu ne'ebé asina ho jogador sira hodi proteje kláuzula hosi konfidensialidade ne'ebé iha entre parte rua.

 

Bainhira iha independénsia hosi Catalunha, FC Barcelona labele partisipa iha Liga española.

 

Lionel Messi, internasional arjentinu ho tinan 30, halo formasaun iha FC Barcelona, dezde ki'ik, no joga iha ekipa prinsipal hosi katalaun sira nian dezde tinan 2004, troka malu ho Cristiano Ronaldo iha estatutu hosi jogador di'ak liu iha mundu.

 

Partidu sira ne'ebé luta ba independénsia hosi Catalunha hetan fali maioria ida hosi deputadu sira iha parlamentu rejional katalaun nian iha loron 21 Dezembru 2017.

 

Fonte: Lusa