Messi nia renovasaun halo nia simu liu euro millaun 14 duké Ronaldo

Avansadu Barcelona nian hanaruk ona kontratu to'o tinan 2021. 

 

 

Messi hetan ona akordu ho Barcelona hodi renova kontratu to'o tinan 2021 iha akordu ida ne'ebé sei halo nia tama fali iha fatin dahuluk hosi jogador sira ne'ebé simu osan di'ak liu iha mundu futebol nian. Tuir imprensa españól, "astro" arjentinu sei simu euro millaun 35 tinan-tinan, folin ida ne'ebé aas liu duké folin ne'ebé maka Neymar ho Ronaldo simu.

 

Detalle sira kontratu Messi nian mosu iha loron-tersa ne'e iha España. Imprensa hosi nasaun ne'e avansa katak ba euro millaun 35 ne'e tau hamutuk mós folin sira direitu imajen nian no prémiu sira ne'ebé Barcelona selu relasionadu ho objetivu sira.

 

Prémiu asinatura la fó sai ida maibé, iha semana liubá, jornal Mundo Deportivo ko'alia iha pedidu ida ho folin euro millaun 100.

 

Ho kontratu ne'e, Messi halakon Ronaldo ne'ebé, iha Real Madrid, simu euro millaun 21 tuir temporada relativu ho vensimentu sira iha "merengue sira".

 

ho Lusa