Portugal mantén fatin datoluk iha ‘ranking’ FIFA, Alemaña kontinua líder

Selesaun portugeza futebol nian mantén fatin datoluk - klasifikasaun di'ak liu ba nafatin - iha ‘ranking’ FIFA nian, ne'ebé divulga iha loron-kinta hosi organizmu regulador modalidade nian, ne'ebé lidera nafatin hosi Alemaña, atual kampeaun mundial. 

 

 

Fatin lima dahuluk mantén pozisaun sira relasionadu ho klasifikasaun anterior, hosi loron 16 Outubru nian, ho Brazil okupa fatin daruak, Arjentina fatin dahaat - hela de'it pontu 10 hosi Portugal, ne'ebé kaer kampeaun europeu - no Béljika fatin dalima.

 

España sa'e pozisaun rua, ba fatin daneen, la hanesan ho Polónia ne'ebé tuun hosi pozisaun neen ba pozisaun hitu, Suisa sa'e fatin tolu, tama fali iha "top 10", ba fatin daualuk, halakon Fransa (pozisaun sia) no Xile (fatin 10).

 

Selesaun portugeza iha ona ‘ranking’ hanesan ne'ebé divulga iha loron 14 Setembru hosi nia klasifikasaun di'ak liu iha hierarkia FIFA nian, bainhira sa'e ba pozisaun datoluk, pozisaun ne'ebé nia okupa ona iha tinan 2010, 2012 ho 2014.

 

Iraun, ne'ebé treina hosi portugés Carlos Queiroz, sa'e hosi pozisaun 34 ba 32, Burkina Faso, ne'ebé treina hosi portugés Paulo Duarte, sa'e hosi pozisaun 55 ba 44, Cabo Verde kontinua hanesan nasaun ho lian portugeza ne'ebé hetan fatin di'ak liu, hafoin Brazil, iha pozisaun 68.

 

- ‘Ranking’ FIFA nian iha loron 23 Novembru:

 

1. (1) Alemaña, pontu 1.602.

2. (2) Brazil, pontu 1.483.

3. (3) Portugal, pontu 1.358.

4. (4) Arjentina, pontu 1.348.

5. (5) Béljika, pontu 1.325.

6. (8) España, pontu 1.231.

7. (6) Polónia, pontu 1.209.

8. (11) Suísa, pontu 1.190.

9. (7) Fransa, pontu 1.183.

10. (9) Xile, pontu 1.162.

 

(...)

 

32. (34) Iraun, pontu 798.

44. (55) Burkina Faso, pontu 705.

68. (64) Cabo Verde, pontu 530.

88. (88) Guiné-Bissau, pontu 403.

110. (111) Mosambike, pontu 304.

141. (139) Angola, pontu 201.

177. (176) São Tomé & Prínsipe, pontu 94.

182. (180) Makau, pontu 65.

196. (192) Timor-Leste, pontu 32.

 

Fonte: Lusa