Nicolás Maduro ho Maradona hamutuk iha jogu futebol nian

Iha loron-tersa ne'e, Nicolás Maduro fó sai ona katak sei joga futebol ho antigu "estrela" futebol Diego Maradona. 

 

 

Prezidente Venezuela nian, Nicolás Maduro, fó sai iha loron-tersa ne'e katak sei joga futebol ho antigu "estrela" futebol nian, Diego Maradona, ne'ebé halo viajen ba Caracas iha loron-segunda.

 

"Ha'u sei joga tuir diresaun hosi Diego Maradona, iha kotuk, iha defeza. Ha'u defende di'ak tebes no ha'u bele marka penálti sira", hatete hosi prezidente Venezuela iha serimónia ho prezensa hosi ‘El Pibe’, la adianta detalle sira hosi jogu nian.

 

Antes, Maradona asina ona kontratu ida ho estasaun ida televizaun Venezuela nian, ne'ebé nia sei aprezenta emisaun ida durante Mundial2018 Rúsia nian, ho naran ‘A mão do 10’, ho ligasaun ba golu ho liman ne'ebé maka Maradona marka hasoru Inglatera iha Mundial tinan 1986.

 

Iha momentu ne'ebé maka Venezuela hasoru hela krizi polítika todan ida no sai beibeik izoladu iha senáriu internasional, Maradona halo kestaun, dala ida tan, hatudu nia parte rebelde, hodi refere katak oferese aan hanesan "soldadu" ida hosi revolusaun bolivarianu nian.

 

Fonte: SAPO Desporto