Arkeólogu sira deskobre jináziu milenar iha Ejiptu

Arkeólogu sira deskobre ona besik iha Kairo jináziu ida ho tinan 2.000 resin ne'ebé hatudu influénsia gregu nian iha sivilizasaun ejípsiu, fó sai hosi ministériu Antiguidade sira Ejiptu nian iha loron-segunda ne'e. 

 

 

Misaun sientífiku ida ho investigador alemaun sira no ejípsiu sira deskobre ona fatin ne'e iha Wafta, iha kilómetru 80 hosi Kairo, ho tinan besik 2.300, durante períudu Heléniku.

 

Jináziu ne'e iha salaun boot ida dekoradu ho estátua sira, sala ida refeisaun nian, pátiu ida no pista ida hodi halai besik metru 200.

 

Iha Wafta situa ona iha sidade Philoteris, harii hosi liurai-mane Ptolomeu II, iha sékulu datoluk antes Kristu.

 

Iha Grésia antigu, jináziu hanesan fatin ida hodi hala'o jogu públiku sira no fatin hodi hala'o moris sosial.

 

ho Lusa