Estadu Islámiku uza Ronaldo nia imajen iha ameasa foun hasoru Mundial2018

Hafoin Messi, Deschampos ho Neymar, agora internasional portugés maka mosu iha propaganda hosi grupu terorista nian. 

 


Grupu extremista Estadu Islámiku uza ona Cristiano Ronaldo nia imajen, ne'ebé mosu haknehak no kanek iha nia oin, hodi ameasa fali Mundial futebol tinan 2018 nian.

 

Iha imajen, ne'ebé fó sai iha SITE Intelligence Group, ne'ebé monitoriza atividade sira hosi grupu, futebolista portugés haknehak, ho sinal sira agresaun nian iha oin, iha mane ida nia oin no ameasa ho tudik ida.

 

"Ami nia liafuan sira hanesan buat ne'ebé ita haree no la'ós ida ne'ebé la haree. Tanba ne'e, hein, Ami mós hein hela", hakerek lejenda kartaz nian.

 

Ameasa foun ne'e, agora ho Cristiano Ronaldo, mosu hafoin iha semana ikus ne'e grupu ne'e fó sai mós imajen ida Lionel Messi nian ho arjentinu ne'e iha grade sira nia laran no tanis mata-been raan nian.

 

Mosu beibeik ameasa oioin no iha loron hirak liubá sira hatudu imajen seluk ida ne'ebé bele haree grupu extremista ho bomba ida iha odamatan oin hosi estádiu ida ne'ebé sei simu kompetisaun ne'ebé sei hala'o hsoi 14 Juñu to'o 15 Jullu 2018.

 

Tuir relatóriu foun ida ne'ebé fó sai foin lalais ne'e hosi ajénsia informasaun sira CIA no Soufan Group, Rúsia hanesan nasaun orijen dahuluk hosi maioria kombatente sira ne'ebé maka hamutuk ho Estadu Islámiku.

 

Fonte: SAPO Desporto