Cristiano Ronaldo promove #Diversidade, #Inkluzaun ho #Asesibilidade

Portugés Cristiano Ronaldo partisipa iha kampaña publisitáriu ida UEFA nian ne'ebé hakarak promove ‘fair-play’ sosial no igualdade no inkluzaun iha futebol, fó sai hosi organizmu ne'ebé kaer futebol europeu iha loron-segunda ne'e. 

 

 

Kampaña, ho títulu “#EqualGame”, halibur jogador koñesidu sira hosi futebol profisional, hanesan Ronaldo, arjentinu Lionel Messi, fransés Paul Pogba ka noruegeza Ada Hegerbeg ho jogador amador oioin sira iha kampaña foun ba responsabilidade sosial nian, ne'ebé hakarak "promove ho dalan pozitivu inkluzaun, diversidade ho asesibilidade ba futebol", hatete hosi organizasaun iha komunikadu.

 

Liuhosi ‘#EqualGame’, UEFA hakarak disponibiliza "plataforma ida" hodi nune'e futebolista sira, profisional no amador sira, bele "fahe sira nia istória pesoal sira iha futebol", hodi subliña "misaun hodi garanti katak futebol sei nakloke no ema hotu bele iha asesu, no respeita igualdade entre etnia, jéneru, idade, orientasaun seksual, kapasidade fíziku no diferensa sosial sira".

 

Versaun alargadu ida hosi kampaña disponibiliza ona iha loron-segunda ne'e iha site ofisial UEFA nian iha Internet no sei hatudu, iha versaun badak ida, durante publisitáriu hosi transmisaun telvizaun sira hosi jornada dahuluk hosi faze grupu sira Champions League nian.

 

Prezidente organizmu nian, Aleksander Ceferin, reforsa ona vontade atu futebol sai "asesivel ba ema tomak no liuhosi forsa desportu nian bele sai hanesan ezemplu ida iha luta ba igualdade sosial".

 

"Astro" portugés hosi Real Madrid fiar katak "futebol bele sai hanesan forsa ida ba di'ak iha ema sira nia moris, la importa ema ne'e sé, mai hosi ne'ebé ka kona-ba nia talentu", tanba "futebol hanesan ba ema tomak".

 

Fonte: SAPO Desporto