Cristiano Ronaldo konfirma katak sei kontinua iha Real Madrid

Ronaldo hanoin de'it iha buat ida: foti tan troféu sira ho Real Madrid. Hafoin veraun ida nakonu ho espekulasaun, avansadu portugés konfirma fila fali katak nia hakarak kontinua hatais 'blanco'. 

 

 

Iha entrevista ida ne'ebé fó ba Europa Press TV, atakante refere katak nia la hanoin atu sai hosi kampeaun españól no europeu.

 

"Manán títulu sira? Ne'e maka hanesan objetivu boot. Ha'u kontinua iha klube ne'ebé maka di'ak liu iha mundu no ami iha ambisaun atu manán tan troféu sira", jogador afirma iha aprezentasaun hosi nia perfume foun.

 

Cristiano Ronaldo besik atu sai hosi Real Madrid, hafoin imprensa españól avansa ho notísia ne'ebé hatete katak jogador la gosta ho tratamentu ne'ebé nia hetan no defende ona hosi Real Madrid, hafoin hetan akuzasaun ba fraude fiskal.

 

Fonte: SAPO Desporto