Messi karik husu ba Guardiola hodi joga iha Manchester City

Arjentinu hakarak husik Barcelona maibé negósiu ne'e trava tiha ona hosi Josep Maria Bartomeu. 

 

 

Lionel Messi atu besik sai hosi Barcelona hodi asina ho Manchester City iha veraun liubá. Tuir dokumentáriu ida ne'ebé fó sai iha loron-domingu, iha estasaun televizaun katalaun TV3, jogador arjentinu karik husu ona ba nia aman no emprezáriu, Jorge Messi, atu informa diretór ezekutivu hosi 'citizens', Ferran Soriano, katak nia hakarak husik katalaun sira.

 

Polémika kona-ba akuzasaun evazaun fiskal ne'ebé maka nia sai hanesan suspeitu karik hanesan orijen hosi intensaun ne'e, no liuliu tanba ekipa ingleza ne'e treina hosi Pep Guardiola, Messi nia antigu treinador iha Barcelona.

 

Inkluzivu, tékniku hosi "citizens" karik halo viajen ba Barcelona hodi hasoru malu ho arjentinu, tanba pedidu hosi nia rasik, maibé posibilidade hosi transferénsia ida hetan impedimentu hosi Josep Maria Bartomeu, "blaugrana" sira nia prezidente, ne'ebé lakohi loke liman ba arjentinu nian.

 

Fonte: SAPO Desporto