Bale la hanoin atu sai hosi Real Madrid

Jogador Real Madrid nian senti haksolok iha klube merengue. 

 

 

Gareth Bale hakarak rona de'it kona-ba Real Madrid no lakohi rona klube sira seluk. Nia intensaun maka di'ak lalais hodi bele halo temporada ida ne'ebé di'ak ho Real Madrid.

 

Jornal españól Marca garanti katak boatu sira ne'ebé ko'alia kona-ba saída hosi galés nian to'o iha ne'e de'it. Jogador galés senti haksolok iha Madrid no hakarak halo di'ak liu hosi temporada iha tinan liubá ne'ebé nia hetan beibeik lezaun.

 

Bale nia kontinuasaun la'ós hanesan kestaun: Iha fatin seluk tanba laiha klube ida maka aprezenta proposta ruma no Bale laiha intensaun hodi sai hosi Real Madrid. Iha tinan liubá, jogador renova ona to'o tinan 2022 no insisti katak sei joga tinan barak nia laran ho kamizola "blanca".

 

Durante jogu amigável ida entre Manchester United ho Real Madrid, José Mourinho hatete ba jogador katak "Bainhira ó la ko'alia, ami labele sosa ó". Momentu ne'e hanesan esplika kona-ba vontade hosi jogador hodi kontinua iha Bernabéu.

 

Fonte: SAPO Desporto