Mike Tyson laiha dúvida: "Mayweather sei "oho" McGregor"

Antigu pujilista hein kombate emosionante ida entre irlandés ho norte-amerikanu. 

 

 

Fulan ida antesipadu tebes hosi kombate entre Floyd Mayweather, lutador boxe, ho Conor McGregor, lutador MMA nian no atual kampeaun hosi UFC, to'o ona Mike Tyson, antigu pujilista no kampeaun mundu hosi pezu todan sira, hatete nia justisa: “McGregor sei 'mate'”.

 

Bainhira sai konvidadu iha programa ‘Pardon My Take’, hosi Barstool Sports, norte-amerikanu konsidera katak kombate ne'e tuir loloos tenki halo tuir regra sira Arte Marsial Mista (MMA).

 

"Ha'u senti ladi'ak tanba ha'u hanoin katak sira sei uza regra sira hosi arte marsial mista nian ho boxe, ne'ebé maka hanesan jogu ne'e. Maibé McGregor sei halo tuir. Nia halo MMA dezde infánsia maibé durante luta nia labele tebe ka kaer adversáriu. Ha'u la fiar katak nia iha posibilidade barak", analiza hosi eis-pujilista ne'e.

 

Maski nune'e, Mike Tyson hein luta "emosionante" ida entre norte-amerikanu ho irlandés.

 

"Ha'u nunka hanoin atu bele akontese. Nune'e, bainhira ha'u rona regra sira, ha'u hatete katak hanesan laiha favór ba McGregor. Sei iha regra barak ne'ebé la favorável hosi istória boxe nian", nia hatete.

 

Floyd Mayweather e Conor McGregor sei hasoru malu iha loron 26 Agostu tuirmai, iha T-Mobile Arena, iha Las Vegas.

 

Fonte: SAPO Desporto