FIFA hetan akuzasaun katak konkorda ho presaun polítika hodi proteje ekipa sira hosi Israel

Organizasaun ba Libertasaun Palestina nian akuza FIFA katak konkorda ba presaun polítika sira. 

 

 

Organizasaun ba Libertasaun Palestina nian (OLP) iha loron-sesta ne'e hatudu "deziluzaun" tanba desizaun hosi FIFA tanba adia votasaun hosi relatóriu ne'ebé husu suspensaun ba ekipa israelita sira no akuza ona organizmu ne'ebé kaer futebol katak konkorda ho presaun polítiku sira.

 

"FIFA desidi permiti ona katak presaun polítika boot liu sira nia estatutu", defende hosi OLP iha komunikadu, hafoin hatene tiha katak FIFA apoia ho maioria adiamentu votasaun nian ba fulan-MArsu 2018, votasaun ne'ebé previstu ba loron-sesta ne'e.

 

Iha fatin seluk, autoridade israelita sira senti "satisfeitu" ho medida no asesor jurídiku hosi Asosiasaun Israelita Futebol nian, Efraim Barak, argumenta ona katak organizmu ne'ebé kaer futebol mundial "labele iha ligasaun iha kestaun polítiku sira".

 

"Polítika hanesan ba polítiku sira no futebol ba ami", Barak hatete ba jornalista sira iha deklarasaun ne'ebé halo iha marjen hosi kongresu FIFA nian, ne'ebé halo daudaun iha Bahrein no ne'ebé maka ko'lia kona-ba relatóriu ne'ebé halo hosi Tokyo Sexwale, xefe hosi Komisaun observasaun nian ne'ebé estabelese hosi entidade hodi analiza petisaun palestinianu sira nian hasoru Israel.

 

Iha loron-segunda, fó sai iha notísia katak primeiru-ministru israelita Benjamin Netanyahu telefone ona ba prezidente FIFA nian, Gianni Infantino, atu nia hasai proposta hosi tema sira ne'ebé iha ajenda.

 

"Infantino loke ona presedente ida ne'ebé governu sira desidi ajenda hosi kongresu ida FIFA nian no violasaun sira ba estatutu sira no uzu ne'ebé ladi'ak hosi dalan legal sira hanesan komun tebes hodi insentiva sira ne'ebé permiti atu futebol uza hanesan dalan ida hodi normaliza violénsia", OLP konsidera.

 

Agora daudaun, kompetisaun israelita sira la konkorda ho artigu 72 hosi estatutu sira FIFA nian, ne'ebé estabelese katak "asosiasaun sira membru no klube sira labele joga iha teritóriu hosi asosiasaun membru seluk lahó nia aprovasaun".

 

Relatóriu hosi Sexwale analiza reklamasaun palestinianu no sujere prazu fulan neen ba Asosiasaun Israelita futebol nian hodi hasai ekipa neen hosi liga israelita ho sede iha teritóriu palestinianu.

 

@SAPO Desporto