Liga Futsal SDB dahuluk remata ho kalan furak hodi entrega prémiu sira

Sport Díli e Benfica entrega iha sábadu kotuko, 26 jullu, prémiu sira huis Liga Futsal dahuluk nian husi "Sport Díli e Benfica".



Ekipa Sporting Clube husi Timor – sai ekipa manán-na’in husi Liga Futsal SDB  dahuluk- ho diretór relasaun  institusinál husi Timor Telecom, Manuel Cárceres no responsável sira balun husi ekipa dr. juiz Góia.


Foto: Ana Guterres @SAPO TL


 Sporting Clube husi Timor maka sai hanesan ekipa ne’ebé hetan primeiru lugár, tuir kedas Timor MEGATours ne’ebé okupa hanesan segundu lugár husi tabela.

 

Kalan furak ida ne’ebé konta ho prezensa kuaze ekipa tomak ne’ebé pasa hamutuk iha ambiente konvívu ká ksolok ninian entre atleta, belun no familia sira.

 

Markadór di’ak liu maka Varela husi Sporting Clube husi Timor ne’ebé halo totál golu 60no jogadór di’ak liu iha iha kampo eskolla husi ekipa tomak partisipante nian maka Bruno Torres husi Sport Díli e Benfica.

 

 

Foto dahuluk: Markadór ne’ebé di’ak liu: Varela husi Sporting Clube de Timor, ho prezidente husi diresaun SDB Fernando da Encarnação no sai jogadór di’ak liu Bruno Torres husi SDB


Foto daruak: Kapitaun ekipa Almério Lopes simu taxa ida ne’ebé engtrega husi diretór relasaun institusionál TT Manuel Cárceres no responsável husi TL Sports


Ekipa simpatia ne’ebé eskolla maka Hotel Timor.

 

Escola Portuguesa Ruy Cinatti simu prémiu tanba sai ekipa ne’ebé maka’as foin sa’e nian.

 

Durante fulan tolu Sport Díli e Benfica (SDB) hala’o jogu sira ba fim-de-semana iha espíritu ksolok no amizade.

 

 

Prezidente husi diresaun SDB Fernando da Encarnação sente kontente ho realizasaun husi Liga Futsal dahuluk nian ne’ebé partisipa husi ekipa  12 ho atleta sira ne’ebé iha talentu no tékniku maka’as.

 

Almério Lopes, kapitaun husi ekipa manán-na’in nian, Sporting Clube de Timor, fó parabéns ba klube benfikista husi inisiativa no husi buat ne’ebé porporsiona desde lasu amizade ne’ebé kria no ho espíritu kompetitividade entre ekipa sira.

 

 

Fernando da Encarnação aproveita ona hodi komunika katak Sport Díli e Benfica sei hala’o Liga Futsal daruak nian hahú husi setembru no inskrisaun loke ona ba ekipa hothotu ne’ebé maka iha  interese.

 

Ida ne’e maka sai hanesan toneiu futsal SDB dahuluk ne’ebé maka hetan apoiu maka’as husi Timor Telecom ne’ebé nunka husik atu ekipa ida atu latama ba laran maibé hotu pertense, hodi oferese ba kada partisipante, telemóvel ida, ho kartaun no pulsa.

 

Hotel Timor, loja desportu TL Sports no bar-restaurante Taululi sira mós sai hanesan patrosinadór bot husi eventu ne’e.

 

 

SAPO TL

tags: