Ederson hetan elojiu hosi ninia´rival iha Brazil`: " Joven ne’e, iha potensiál"

Tuir  Alisson, sé maka manán maka Brazil ne’ebé iha opsaun di’ak ba  baliza iha tinan hirak oin mai.


Foto: SAPO Desporto

 

Hafoin  Portugál, Brazil. Ederson moos hahú impresiona iha  ´kanariña` ne’ebé hetan bolu ba  jogu kualifikasaun Mundial2018. Alisson, ´rival` Ederson iha  baliza  Brazil, só iha deit  elojiu ba  joven guarda-rede Benfika ne’e.

 

"Ha’u akompaña. Mai hala’o serbisu ida di’ak. Ha’u iha tiha ona oportunidade serbisu ho nia iha  Kopa Amérika Sentenáriu. Sei joven, iha  potensiál. Mai hala’o serbisu di’ak ida iha ninia ekipa. Benfica hanesan dahuluk iha kampeonatu portugés", hatete  guarda-rede ne’ebé  defende  kor AS Roma iha Itália.

 

Tuir Alisson, se maka manán ne’e  Brazil maka iha opsaun  di’ak  ba  baliza iha tinan hirak tuir mai.

 

"Ha’u fiar katak  selesaun di’ak liu maka ba guarda-rede. Iha opsaun ba tinan barak", nia hatutan.

 

SAPO TL ho SAPO Desportu