Real Madrid rekupera hosi 0-2 ba 3-2 kontra Villarreal no segura lideransa

Real Madrid iha ohin lakon iha  ho  2-0 iha  terrenu Villarreal, ba jogu jornada 24.ª liga española, maibé konsege ' fila' rezultadu  ba  3-2 no  segura lideransa kompetisaun.


 

Golu hosi Bale, Cristiano Ronaldo, ho penalidade, no Álvaro Morata anula vantajen ne’ebé kria hosi  golu Trigueros no Bakambu. Real Madrid nafatin iha  líder tabela, ho liu pontu ida, maibé menus jogu ida kompara ho Barcelona, ne’ebé iha ohin manán iha uma Atlético Madrid (2-1), enkuantu Villarreal iha fatin daneen ho 39.

 

Ekipa anfitriã hahú jogu di’ak liu no hetan kedas oportunidade di’ak barak  durante tempu dahuluk, ho Real Madrid lakonsege domina jogu ne’e badahuluk maka tékniku Zidane repete 'sanulu-resin-ida' ne’ebé utilize ona iha finál Liga Campeões 2016, iha vitória hasoru  Atlético.

 

Golu sira  só 'mosu' iha tempu daruak, ho dahuluk marka iha minutu 50 hosi Manu Trigueros. Hafoin liu  minutu lima, Bakambu maka aumenta vantajen.

 

'Merengues', kuaze dukur liu no ladun  enerjuku iha asaun ofenzivu, sira halo reaje no to’o domina jogu ne’e, halo 3-1 iha minutu 64, liuhosi  galés Gareth Bale, fila fali sai  titularidade hafoin fulan barak hetan lezaun.

 

Hafoin  Bruno Soriano joga bola ho liman, árbitru hatudu  penalidade ba Real,  ne’ebé Cristiano Ronaldo ezekuta iha  minutu 74, restabelese igualdade.

 

Lanse ne’e halo  espulsaun ba Fran Escribá, tanba protestu, no ba iha bankada maka  tékniku 'submarino amarelo' haree  Marcelo kruza ba kabeseamentu hosi  Morata, ne’ebé  konsege halo  fila rezultadu,  iha minutus 83.

 

Molok, jogu iha jornada ne’e hasoru malu, iha  Vicente Calderón, Atlético Madrid ho Barcelona, ho katalaun sai vensedór ba duelu maka’as no la’o ho di’ak.

 

Hafoin  brazileiru Rafinha marka uluk ba  Barcelona, iha  64, uruguai Godín haloempate, ne’ebé  hetan  diside liuhosi arjentinu Lionel Messi, ne’ebé marka golo vitória, iha minutu 86.

 

Ekipa Luís Enrique, ne’ebé ho André Gomes iha kampu dezde 85, lidera to’o vitória Real Madrid nian, maibé to’o  agora iha fatin daruak ho pontu  54, menus ida duké 'merengues', enkantu Diego Simeone nian iha pozisaun dahaat ho  45.

 

Joga iha uma-rasik, Athletic  Bilbau laiha difikuldade atu manán  Granada ho 3-1, ho golu hosi Susaeta, Lekue no San José fó  vitória ba 'bascos', kontra golu ida hosi  marrokinu eis-Benfica Mehdi Carcela.

 

Athletic iha oitavu klassifikadu, ho pontu  38, fatin ida ba  europeu, enkuantu Granada, ho  Rui Silva no Rúben Vezo iha  banku, okupa ikus iha  penúltimu 19.º no ho 16.

 

Iha  Gijón, Sporting no Celta Vigo empata ho bola ida, ho golu hosi  Moi Gómez ba uma-na’in no Aspas ba forasteiru, iha  rezultadu ne’ebé serve liu ba Celta, okupa klassifikasaun 10.º, duké Sporting, ne’ebé  mantéin nafatin  iha  zona mean  iha fatin  18.º.

 

Dader ne'e,  Espanyol, hosi Quique Flores, manán ho hakmatek  hasoru Osasuna, ho 3-0, iha fatin dasia nonu, enkuantu Osasuna iha lanterna-mean.

 

SAPO TL ho Lusa