FIFA hanoin atu transfere jogu sira Mundial sub-17 tanba poluisaun iha Nova Deli

Poluisaun iha Nova Deli halo FIFA foti medida sira ba torneiu sub-17 nian. 

 

 

FIFA hanoin hela atu transfere jogu sira hosi Mundial futebol sub-17 nian ne'ebé ajenda iha Nova Deli ba sidade seluk tanba nível aas poluisaun nian, fó sai hosi diretor torneiu nian.

 

Javier Ceppi afirma ona katak kualidade ar nian iha Nova Deli, sidade ida ne'ebé poluidu liu iha mundu, "hanesan preokupante tebes, liuliu hafoin Festival Diwali, ne'ebé koñesidu mós hanesan Festival Luz nian, ne'ebé halo iha fulan-Outubru, fulan ne'ebé sei halo Mundial".

 

"Horáriu sira no fatin sira jogu nian seidauk finaliza. Razaun ida atu ne'e akontese maka poluisaun iha Nova Deli, ne'ebé hanesan preokupasaun ida sériu tebes", afirma hosi Ceppi, iha deklarasaun sira ba jornal Indian Express.

 

Diretor torneiu nian admiti ona katak "laiha posibilidade hamenus poluisaun hosi loron ida ba loron seluk ba kuantidade ida ne'ebé konsideradu mínimu hodi halo jogu sira".

 

Mundial sub-17 nian sei halo iha sidade oioin iha Índia, entre sira maka Nova Deli, entre loron 06 no 18 fulan-Outubru.

 

Iha tinan liubá, nível sira poluisaun nian verifika durante festival, períudu ida ne'ebé halo ona espetákulu oioin ho fogu-artifísiu, tenki taka eskola hamutuk 1.800 iha Nova Deli.

 

@SAPO Desporto