Sterling lori Manchester City ba fatin daruak

Manchester City manán 2-0 iha  uma Bournemouth no hakat ba fatin daruak.


Foto: EPA/GERRY PENNY

 

Manchester City iha  ohin manán Bournemouth ho 2-0, ho nune’e hakat ba fatin daruak liga ingleza, hela  pontu ualu hosi líder Chelsea, ne’ebé kumpre ona jornada 25.

 

Sterling sai titular iha jogu ne’e, hafoin haree guarda-rede dezvia, tuituir-malu, ninia remate ida kona baliza, iha 26, liu minutu tolu mosu poste daruak aproveita kruzamentu ida hosi Sané, ne’ebé  hetan dezvia hosi defeza, halo inaugurasaun ba markadór.

 

Bournemouth ekilibra dezafiu ne’e nomós hetan  oportunidade atu  halo empata, maibé Sterling (69) kria golu daruak, hakat liu to’o  liña ikus no halo kruza atrazadu ida ba Kun Aguero, maski  dezviu hosi arjentinu ne’e lasai desizivu iha trajetória, ba baliza, kona ain  hosi Tyrone Mings.

 

Iha 84, Sané, ho lanse individuál, aserta iha trave, ne’ebé bele sai hanesan golu datoluk.

 

Ho  rezultadu ne’e, Manchester City sa’e ba  okupa iha fatin daruak, ho pontu 52, hela ualu hosi  Chelsea, ne’ebé empata 1-1 iha uma  Burnley.

 

Hafoin lakon 2-0 iha  vizita ba Liverpool, Tottenham tuun liu ba fatin datoluk, ho pontu hanesan  50  ho Arsenal no liu pontu ida  duké ninia‘karrasko’, enkuantu Manchester United hosi José Mourinho iha fatin daneen ho pontu 48.

 

Hull City hosi  Marco Silva, ne’ebé lakon 2-0  iha vizita ba Arsenal, iha fatin  18.º eno antepenúltimu, ho pontu 20, fatin ikus liu, maibé ho 'salvasaun' ida, okupa hosi  kampeaun Leicester.

 

SAPO TL ho SAPO Desportu