João Mário marka golu vitória ba Inter Milão

João Mário iha ohin salva Inter Milão ba empate iha  vizita ba  penúltimu klasifikadu Palermo, ho  markasaun ba úniku golu ba  enkontru  jornada  21.ª jornada Liga italiana.


 

Médiu portugés, ne’ebé forma iha Sporting, tama iha minute 55 ba  asegura fatin dalima milaneze nian iha kampeonatu, marka minutu sanulu hafoin, enkosta bola kruzadu ba área.

 

Durante hasoru  penúltimu klassifikadu, Inter Milão, ne’ebé  hetan  redusaun ba na’in sanulun   iha minutu 79, tanba  espulsaun, liuhosi akumulasaun kartaun kinur, Cristian Ansaldi, sofre no boot atu hetan pontu tolu.

 

Ho vitória ohin loron nian, 'nerazzurri' hetan pontu 39, menus sia  duké líder Juventus, no kontinua okupa iha fatin ikus  europeu nian.

 

Iha enkontru entre klubes ne’ebé okupa iha klaran tabela klasifikativu nian, Bolonha manán iha uma Torino nian, ho 'golu rua' hosi Dzemaili ( minutu 43 no 83), hodi  garante besik liu ba  fatin sia ne’ebé sei pertense ba ekipa Turim.

 

Polonhes agora iha pontu 26, menus haat duké ninia rivál ohin nian, no liu ida duké  Udinese, ne’ebé okupa iha 12.ª, hafoin lakon ho Empoli, grasa ba golu solitáriu ida hosi Mchedlidze (82).

 

Iha  jogu seluk  ba  jornada 21.ª ne’ebé iha lorokraik ne’e, Génova empata 2-2 ho Crotone no Pescara lakon ho 3-1 iha uma rasik ho  Sassuolo.

 

SAPO TL ho Lusa