Sergio Ramos ho golu rua oferese vitória ba Real Madrid

Defeza sentrál Sergio Ramos ‘halo golu rua’ iha ohin ba vitória kazeiru Real Madrid nian hasoru  Málaga, ho 2-1, iha  jogu  jornada  19.ª Liga española, ne’ebé  marka regresu ‘merengue’ ba vitória.


 

Ramos marka golu ba vitória madridista, iha minutu 35 no 43, iha kazu rua ne’ebé korresponde hosi assisténsia alemaun Tony Kroos. Iha  parte daruak ,   63, venezuelanu Añor reduz desvantajen  ba formasaun  andaluza.

 

Hafoin lakon hosi Sevilla (2-1),iha  semana kotuk,  no iha resesaun Celta Vigo (2-1), jogu dahuluk oitavu finál Taça do Rei nian, Real Madrid, ne’ebé konta ho Cristiano Ronaldo  iha  tempu tomak, hetan fila fali vitória no assegura lideransaiha finál volta dahuluk kampeonatu españól, konkista títulu simbóliku 'kampeaun invernu nian'.

 

Ho jogu  18 ne’ebé hala’o, Real Madrid lidera Liga española, ho pontu  43, liu haat duké Sevilla, ne’ebé  vizita Osasuna, iha domingu,liu lima duké FC Barcelona, ne’ebé sei ba  joga iha Eibar nia uma.

 

Iha  jogu ne’ebé hala’o ona ohin, Espanyol manán iha  resesaun ‘ameasadu’ Granada, ho 3-1, hosi golu Reyes, Piatti no Navarro nian, enkuanto Andreas Pereira reduz ba penúltimu klassifikadu.

 

SAPO TL ho SAPO Desportu