Timor-Leste la halo parte iha Tasa Aziátiku 2023 nian tanba uza ilegal brazileiru sira

Investigasaun ida hatudu ona katak federasaun timoroan uza ona jogador brazileiru na'in 12 ho dokumentu falsu sira ne'ebé hodi hatete katak sira hanesan timoroan. 

 

AFP Photo@ Valentino de Sousa

 

Konfederasaun Aziátiku Futebol nian (CAF) suspende ona Timor-Leste hodi edisaun Tasa Aziátiku tinan 2023 hafoin investigasaun ida ne'ebé hatudu katak federasaun timoroan uza ona jogador brazileiru na'in 12 ho dokumentu falsu sira ne'ebé hatete katak sira hanesan ema timoroan.

 

Iha komunikadu, CAF esplika katak desizaun ne'e foti iha reuniaun loron-sesta ne'e hosi Komité Disiplinar CAF nian - ne'ebé halo iha Kuala Lumpur, Malázia - hafoin investigasaun ida ne'ebé hahú iha fulan-Juñu liubá kona-ba uzu hosi jogador brazileiru sira durante períudu kualifikasaun ba Tasa Aziátiku edisaun 2019 nian.

 

Aleinde impede Timor-Leste hodi la partisipa iha kualifikasaun ba edisaun 2023 nian hosi troféu ne'e, federasaun timoroan tenki selu multa ida ho folin dolar rihun 20.

 

Sekretáriu-jeral hosi federasaun Timor-Leste nian, Amândio de Araújo Sarmento, hetan kastigu durante tinan tolu hosi atividade sira ne'ebé iha relasaun ho futebol no hetan kondenasaun hodi selu multa ida ho folin dolar rihun sia.

 

Responsável ida seluk, Gelásio Da Silva Carvalho, hetan multa dolar rihun tolu tanba tenta interfere iha investigasaun.

 

To'o agora Lusa seidauk bele kontakta responsável ruma hosi federasaun timoroan nian.

 

Ajénsia Lusa fó sai ona iha fulan-Dezembru katak iha tempu badak sei fó sai desizaun hosi CAF hafoin investigasaun ida ne'ebé hatudu katak jogador brazileiru sira rejista iha selesaun ho sertidaun moris nian ka sertidaun batizmu falsu sira ne'ebé hatudu katak sira nia aman ka inan moris iha Timor-Leste.

 

"Verifika ona katak elementu sira ne'e hanesan falsu", refere hosi komunikadu ida CAF nian ne'ebé esplika katak "investigasaun la permiti ona konkluzaun ida kona-ba validade hosi sidadania Timor-Leste nian ne'ebé futebolista sira ne'e hetan" no "hanesan kestaun ida ba autoridade sira Timor-Leste nian".

 

Jogador brazileiru na'in sia ne'e partisipa ona iha jogu hamutuk 29 ho jurisdisaun hosi CAF, liuliu iha kualifikasaun ba Tasa Aziátiku 2019 nian (ne'ebé Timor-Leste lakon) no iha jogu hitu ho jurisdisaun hosi FIFA, liuliu iha kualifikasaun ba Mundial 2018 (ne'ebé Timor-Leste lakon).

 

Komité Disiplinar CAF nian agora determina katak Federasaun Futebol Timor-Leste nian (FFTL) lakon ona jogu hamutuk 29 ne'e, aplika multa adisional ida ho folin dolar rihun 56 suspensa durante períudu prova nian durante tinan rua.

 

"Desizaun hosi Komisaun Disiplinar CAF nian haruka ona ba FFTL. Husu ona ezijénsia ba FIFA hodi aumenta efeitu sira desizaun nian hasoru Amândio hodi iha efeitu sira iha nível mundial, notifika faktu katak FFTL uza jogador sira lahó kondisaun iha jogu hitu hosi FIFA nian", esplika.

 

Investigasaun CAF nian ne'e halibur mós investigasaun ida seluk kona-ba kazu hanesan ne'ebé hahú iha 2015 hosi FIFA no ne'ebé seidauk fó sai rezultadu ida, no asuntu ne'e sai mós hanesan inkéritu ida hosi ezekutivu timoroan nian.

 

Kleur ona laiha liga nasional, Timor-Leste, entre tinan 2011 no 2015 sa'e ona iha 'ranking' FIFA nian hosi pozisaun 205 ba 170, agora daudaun tama iha pozisaun 191, pozisaun ne'ebé sei afetadu hosi desizaun ne'e.

 

Pozisaun di'ak ne'ebé Timor-Leste hetan akontese bainhira tenta kualifika ba Mundial 2018 iha Rúsia, nune'e halo naturalizasaun ba jogador hamutuk sanulu resin ne'ebé mai hosi Brazil.

 

Regra sira FIFA nian determina katak atleta sira bele joga iha nia nasaun adoptivu bainhira hela iha nasaun ne'e pelumenus tinan lima ka karik iha aman ka avó-mane ne'ebé moris iha nasaun ne'e, maibé la akontese ho jogador brazileiru sira ne'ebé hetan nasionalidade timoroan nian ne'e, haktuir hosi fonte futebolístiku iha Díli.

 

Esta investigação da CAF soma-se a uma outra sobre o mesmo caso iniciada em 2015 pela FIFA e cujos resultados não são ainda conhecidos, tendo o assunto sido igualmente alvo de um inquérito do executivo timorense.

 

Timor-Leste nia rezultadu di'ak sira hahú hamosu dúvida iha Outubru 2015, bainhira federasaun Palestina nian aprezenta ona kesar formal ida iha FIFA hafoin empate ida entre selesaun rua, iha Díli, iha kualifikasaun ba Mundial2018.

 

Empate ne'e impede ona kualifikasaun Palestina nian no, hafoin kesar, la uza ona ema brazileiru sira. Iha jogu dahuluk ne'ebé halo la uza jogador brazileiru sira, ho Emirado Árabe Unidu, selesaun Timor-Leste hetan nia lakon boot (8-0). Maibé iha fulan-Juñu tinan liubá, hahú uza fali jogador sira ne'e iha kualifikasaun ba Tasa Aziátiku, halo CAF hahú investigasaun ida.

 

Ne'e la'ós hanesan polémiku úniku ida iha futebol timoroan, Prezidente FFTL, Francisco Kalbuadi Lay, halo parte iha polémika ida kona-ba subornu sira ne'ebé fó ba Mohamed Bin Hammam, hosi Qatar, hodi lori nasaun ne'e ba Mundial.

 

Auditoria ida PWC kona-ba CAF no konta sira hosi Hamman indika katak karik fó ona dolar rihun 50 resin ba Kalbuadi Lay hodi halo "gasta pesoal".

 

Aleinde polémika ne'e, emprezáriu timoroan ida, Pedro Carrascalão, hato'o kesar ba CAF tanba líder sira hosi FFTL la simu nia eleisaun nu'udar prezidente hosi estrutura ne'e, iha kongresu tinan 2007. Iha kesar ne'e, nia hatete katak iha tinan hirak ikus ne'e iha iregularidade barak iha FFTL nia laran.

 

@SAPO Desporto