Mourinho soma vitória daruak. Chelsea, Liverpool no City moos manán

Zlatan Ibrahimovic sai salvadór tan ba´red devils`, liuhosi marka golu vitória nian iha minutu 89.


Foto: EPA

 

José Mourinho soma vitória daruak tuituir iha Liga Ingleza. Hafoin halakon Tottenham iha findesemana liubá, Manchester United manán fila fali tan, agora iha Crystal Palace nia uma ho  2-1.

 

Zlatan Ibrahimovic sai  salvadár ba ´red devils`, liuhosi marka golu ba vitória iha minutu 89. Molok ne’e, Pogba halo ona vantajen ba Manchester  iha 45, ba James McArthur halo empata iha minutu  68.

 

Ba oin jogu sira la’o hanesan. Golu ida hosi Fabregas fó pontu tolu ba Chelsea iha vizita ba Sunderland. Liverpool manán hasoru Middlesbrough ho 3-0, ho golu rua hosi Lalana no golu seluk hosi Origi.

 

Manchester City moos  manán, hasoru Watford ho 2-0, ho golu ida hosi Zabaleta no David Silva. Tottenham manán Hull City ho 3-0, ho golu rua hosi  Christian Eriksen no golu ida  seluk hosi  Victor Wanyama.

 

SAPO TL SAPO Desportu