Mourinho hetan fila fali vitória

Manchester United halakon Tottenham ho marjen kiik, maibé sufisiente atu hetan fila fali  vitória ne’ebé hein.


Foto: EPA/PETER POWELL

 

Manchester United, hosi  José Mourinho, manán iha ohin hasoru Tottenham iha uma-rasik ho 1-0, iha jogu ba jornada 15.ª futeból Liga ingleza, no hekbesik-an ba  londrinu iha tabela klasifikativu.

 

Ho pontu  24, 'red devils' agora hela tolu hosi 'spurs', iha klasifikadu neen. Ekipa hosi José Mourinho hetan fila  vitória iha Premier League, ne’ebé maka hetan empate datoluk tuituir-malu .

 

Golu úniku iha jogu ne’e marka hosi arméniu Henrik Mkhitaryan iha minutu 29, hetan bola hosi  Ander Herrera, liuhosi  jogada kontra-atake ikus mai ba para iha baliza Lloris nian.

 

Parte dahuluk  pretense ba  Manchester United, ne’ebé kria  oportunidade di’ak atu  marka, liliu hosi Ibrahimovic, ne’ebé golu hadook-an hosi nia.

Ba  iha parte Tottenham, Christian Eriksen no Harry Kane buka atu tama ba baliza De Gea liuhosi remate dook  no passe aas, tanba iha kampo-klaran United kuaze segura jogu hotu liuhosi Herrera, Carrick no Pogba.

 

Iha parte daruak oportunidade oituan liu no londrinu ne’ebé hahú di’ak, instala iha  meiu kampu komanda Mourinho nian to’o oras liu, bainhira  Pogba, badahuluk liuhosi livre ne’ebé  kona-riin baliza  no defeza Lloris, bele hetan golu daruak iha jogu ne’e.

 

Ema uma na’in  halo kontrola di’ak liu jogu hahú pontu ida ne’e no limita Tottenham halo inkursaun menus iha área, ho rezultadu ne’ebé  mantein to’o remata, no garante hakotu  empate dahaat tuituir-malu iha Old Trafford ba vizitadu sira.

 

Joga iha uma-rasik, Southampton, ne’ebé konta ho portugés José Fonte hanesan titular, hanesan  kapitaun ekipa nian, halakon Middlesbrough, ho marjen minima moos, ho golu ida hosi Soufiane Boufal, iha minutu 53, fó pontu tolu ba 'saints', ne’ebé sa’e ba okupa iha klasifikasaun sanulu iha Premier League.

 

Iha dader, tentu solitáriu ida hosi avansadu españól Diego Costa fó vitória ba Chelsea hasoru West Bromwich Albion no permite ba londrinu sai fila  lideransa izoladu, ho pontu 37, liutolu duké Arsenal.

 

Iha Ohin, Liverpool hasoru  West Ham (16:30) no bele hadook-an hosi Manchester City, ne’ebé iha sábadu lakon hasoru Leicester ho 4-2.

 

SAPO TL ho SAPO Desportu