Real Madrid manán Leganés no haforsa lideransa Liga española

Real Madrid iha ohin reforsa lideransa Liga española, bainhira simu no halakon Leganés ho  3-0, sein golu hosi  Cristiano Ronaldo, iha  enkontru ba jornada 11.ª prova nian.


 

Galês Gareth Bale deside enkontru iha finál parte dahuluk nian, ho tentativu  iha minutu 38 no 45+1, no, metade tempu daruak, Álvaro Morata taka ho rezultadu ikus, iha 76.

 

Cristiano Ronaldo, úniku portugés ne’ebé inklui -- Pepe hetan lezaun no Fábio Coentrão la sai hosi  banku -, mantein  desinspiradu, nafatin ho 'lamarka', hafoin ronda uluk marka 'hat-trick' ida ba ekipa Alavés.

 

Formasaun 'merengue' konta ho pontu 27, ho provizóriu liu lima duké kampeaun  FC Barcelona, klasifikasaun daruak, ne’ebé sei desloka iha ohin hasoru ekipa Sevilha, pozisaun haat, ho pontu ida hosi catalães.

 

Fatin datoluk okupa hosi Atlético de Madrid, ne’ebé lakon 2-0 hasoru ekipa Real Sociedad, iha enkontru ne’ebé hala’o iha sábadu, mantein hanesan ho andaluzes.

 

SAPO TL ho Lusa