Ranking FIFA: Portugal kontinua tuun no Timor-Leste iha pozisaun 186

Selesaun portugeza futebol nian kontinua, iha loron-kinta ne'e, tuun iha ‘ranking’ FIFA nian, tuun hosi fatin dahitu ba fatin daualuk, klasifikasaun ida ne'ebé fó sai iha loron-kinta ne'e no kontinua lidera hosi Arjentina.


 

Iha atualizasaun ida ho alterasaun oioin entre pozisaun 10 dahuluk, Portugal lakon tiha hosi Fransa, selesaun ne'ebé lakon iha final hosi Kampeonatu Europa nian ho 1-0, hafoin prolongamentu, Portugal konkista nune'e dalan dahuluk hosi títulu boot internasional nian.

 

Arjentina, visi-kampeaun mundu nian, mantén firmi iha komando, maibé iha kompañia foun ida: Alemaña, kampeaun mundial, no Brazil ne'ebé sai hosi pozisaun datoluk ba pozisaun daruak, nune'e halo Béljika tuun ba pozisaun haat.

 

Kolómbia husik empate ho Brazil iha fatin dahaat no tuun ba pozisaun lima, no España, ne'ebé antes okupa pozisaun 11 iha "ranking" anterior iha loron 15 Setembru, tama iha pozisaun 10 dahuluk sira hodi hatuun Wales ba pozisaun 11.

 

Suisa hanesan nasaun ne'ebé hetan klasifikasaun di'ak liu hosi adversáriu lima Portugal nian iha grupu B hosi kualifikasaun europeu ba Mundial2018, sa'e hosi pozisaun 16 ba pozisaun 14, la hanesan ho Hungria ne'ebé tuun hosi pozisaun 20 ba pozisaun 22, Letónia tuun hosi pozisaun 21 ba pozisaun 116 no lakon hasoru Illa Faroé (ne'ebé sa'e hosi pozisaun 111 ba pozisaun 74) no Andorra iha pozisaun 203.

 

Entre nasaun luzófonu sira, Guiné-Bissau sa'e hosi 73 ba 69, halakon Cabo Verde ne'ebé, maski nune'e, sa'e pozisaun ida ba pozisaun 71, la hanesan ho Mosambike ne'ebé tuun hosi pozisaun 89 ba 95. Angola mantén iha postu 134 no São Tomé & Prínsipe iha pozisaun 153 no Timor-Leste tuun ba pozisaun 186.

 

‘Ranking’ FIFA nian, iha loron 20 Outubru:

 

1. (1) Arjentina, 1.621 pontos.

2. (3) Alemaña, 1.465.

3. (4) Brasil, 1.410.

4. (2) Béljika, 1.382.

5. (4) Kolómbia, 1.361.

6. (6) Xile, 1.273.

7. (8) Fransa, 1.271.

8. (7) Portugal, 1.231.

9. (9) Uruguai, 1.175.

10. (11) España, 1.168.

(...)

69. (73) Guiné-Bisau, 515.

71. (72) Cabo Verde, 508.

95. (89) Mosambike, 359.

110. (108) Gabaun, 323.

134. (134) Angola, 236.

153. (151) São Tomé & Príncipe, 177.

186. (183) Timor-Leste, 74.

 

Fonte: Lusa