Nice manán Lorient no mantéin hanesan lideransa izoladu

Ricardo Pereira no Balotelli mantein lideransa izoladu Nice nian iha Fransa ho vitória hasoru Lorient ho 2-1.


Foto: EPA/SEBASTIEN NOGIER

 

Ho  golu ida hosi Ricardo Pereira no seluk hosi Balotelli, Nice manán iha ohin hasoru Lorient ho 2-1 no mantéin  izoladu iha  kampeonatu futeból  fransés, iha jornada ualu.

 

Jogadór  ne’ebé empresta hosi FC Porto ne’e inaugura markadór  iha minutu11, no kamaronés Benjamin Moukandjo halo empata iha minutu 61 no Nice  hetan fila fali vantajen iha 86, hosi italianu Mario Balotelli halo 2-1, minutu neen  molok nia hetan kartaun amarelu daruak no  espulsu.

 

Ho vitória ne’e, Nice agora iha pontu 20 hosi pontu 24 ne’ebé iha, liu ida ho Mónaco hosi Leonardo Jardim, ne’ebé iha sábadu liubá manán Metz ho 7-0, enkuantu tetrakampeaun Paris Saint-Germain okupa iha klasifikasaun datoluk ho pontu 16.

 

Capelle (90+3) evita derrota uma-na’in Angers hasoru Marselha, ne’ebé halo adianta markadór hosi  Thauvin (64), iha empate ho penalidade ba parte rua, iha metade daruak klasifikasaun nian.

 

Lyon de Anthony Lopes sei hasoru  Saint-Étiènne iha dezafiu ne’ebé hakotu  ronda ne’e nian.

 

SAPO TL ho SAPO Desportu