Sporting lakon iha Madrid ho golu hosi Ronaldo no taka hosi Morata

Golu ida hosi  Morata, iha  minutu ikus prolongamentu nian, iha ohin fó ba Real Madrid vitória ida iha uma-rasik hasoru Sporting, ho 2-1, iha jogu ba  jornada dahuluk Grupu F nian iha Liga dos Campeões.


 

Bruno César, iha minutu 48, inaugura markadór vantajen ba 'leões' no Sporting besik atu sai hanesan  ekipa portugeza dahuluk ne’ebé manán iha Estádio Santiago Bernabéu, maibé portugés Cristiano Ronaldo konsege halo empata iha markasaun hosi livre diretu ida, iha 89, no Morata konsege fila rezultadu, iha 90+4.

 

Real Madrid, hanesan kampeaun títulu europeu, ikus mai hetan duni pontu tolu no okupa iha klasifikasaun dahuluk  grupu nian iha pontu hanesan ho alemaun Borussia Dortmund, ne’ebé  joga iha Varsóvia hasoru  Legia, ho 6-0. Sporting no ekipa polaka tuir maibé seidauk pontu  ida.

 

SAPO TL ho Lusa