Ronaldinho: "Messi maka di’ak liu ba oras ne’e daudaun"

Eis-jogadór brazileiru mos konsidera katak nia mos di’ak iha ninia era/tempu.

Ronaldinho Gaúcho ho kamizola Barcelona

 

Ronaldinho Gaúcho latauk atu ko’alia kona-ba jogadór hirak ne’ebé sempre di’ak liu no nia dehan kona-ba vantajen hosi Lionel Messi ho Pelé. Tuir eis-jogadór Barcelona, di’ak liu maka defini funsaun hosi tempu ne’ebé joga, tanba difisil atu kompara jerasaun ida ho jerasaun seluk.

 

“Kada époka sempre iha ida ne’ebé di’ak, no kada jogadór sempre di’ak iha ninia tempu. Oras ne’e daudaun maka Messi. Komparasaun entre Messi ho Pelé? Jogadór idaidak tuir ninia tempu, hanesan Garrincha, Maradona… nune’e mos Messi. Ha’u? Sim, iha ha'u-nia tempu, ha’u mos hanesan jogadór di’ak ida", esplika.

 

Karik iha ipóteze atu Neymar mos bele sai hanesan jogadór di’ak, iha mundu futeból, Ronaldinho fi’ar katak, ida ne’e depende ba tempu. “Ha’u hanoin katak, ba oras ne’e Messi de’it. Nia foin-sa’e ida no nia konkista buat barak ona. Maibé hanesan akontese mos ba sira seluk, ne’ebé lakonsege joga iha Messi ninia tempu”.

 

SAPO TL ho SAPO Desportu