Simeone hatete katak Griezmann merese liu hetan prémiu duké Ronaldo

Treinadór argentinu Atlético de Madrid nian 'konsola' nia jogadór ho elojiu.

Foto: Lusa

 

Treinadór Atlético de Madrid nian, Diego Simeone, felisita ohin Cristiano Ronaldo tanba hetan prémiu futebolista di’ak liu iha Europa iha époka 2015/2016, maski konsidera katak fransés Antoine Griezmann “sein dúvida, hanesan ida be di’ak liu”.

 

Tékniku ‘colchoneros’ sira-nian hatutan katak prémiu ne’ebé UEFA atribui ne’e “justu”, maibé nia jogadór, hanesan mós finalista ida iha tadak ne’e, merese hetan prémiu.

 

“Infelizmente, [Griezmann] la konsege manán finál hosi Liga dos Campeões no Europeu. Méritu sira ekipa nian potensia individuál sira, tanba ne’e, Ronaldo manán ho justu”, subliña treinadór klube madrilenu.

 

Kona-ba ne’e, Simeone konsidera katak prémiu mós iha parte hosi vitória sira Ronaldo nian iha Liga dos Campeões no iha Euro2016, ne’ebé Fransa organiza, finalista ne’ebé selesaun das ‘quinas’ halakon (1-0 iha prolongamentu).

 

“Manán tanba merese. Klaru, tanba manán Liga dos Campeões no Europeu iha influénsia. Maibé, mai ha’u, Griezmann, sein dúvida, hanesan ida be di’ak liu iha époka ne’e”, nia hakotu.

 

SAPO TL ho SAPO Desportu