Real Madrid halakon Sevilha no konkista Supertaça europeia

Real Madrid, seidauk ho Cristiano Ronaldo, iha ohin konkista Supertaça europeia badatoluk iha futeból, halakon  Sevilha, ho  3-2, hafoin tama ba prolongamentu, iha jogu ne’ebé hala’o  iha Estádiu Lerkendal, Trondheim, Noruega.


Foto: AFP

 

Vensedór hosi  Liga dos Campeões iha tinan kotuk, Real Madrid inagura ninia markadór, hosi Asensio (21), maibé permite ba Sevilha fila rezultadu ho golu  hosi Franco Vázquez (minute 41) no Konoplyanka (72), liuhosi penalidade, molok Sergio Ramos halo empata iha minutu (90+3) no obriga tama ba prolongamentu. Besik  remata  tempu extra, iha minutu 119  Dani Carvajal marka golu no oferese troféu ba 'merengues'.

 

Real Madrid, ne’ebé  joga sein jogadór sira mak tama iha  Euro2016, inklui kampeaun europeu Pepe no Cristiano Ronaldo, repete triunfu 2002 no 2014, enkuantu klube andaluz, vensedór iha edisaun datoluk ikus Liga Europa nian, ne’ebé ohin  aliña ho portugés Daniel Carriço hanesan titular, hakarak hetan triunfu badaruak, hafoin susesu alkansadu iha 2006.

 

SAPO TL ho Lusa