Portugál tama ho ain-loos iha Rio hafoin manán Arjentina

Golu hosi  ekipa luza apontadu iha segunda parte, hosi intermédiu Gonçalo Paciência no Pité.

 

Portugál manán iha kinta-feira ne’e hasoru Arjentina ho 2-0, ba estreia Jogos Olímpicos iha Brazil.

 

Iha  primeiru jogu hosi ekipa 'quinas' iha Rio, Rui Jorge aposta sanulu-resin-ida ho Bruno Fernandes hanesan médiu soltu, ho Gonçalo Paciência no Salvador Agra hanesan jogadór adiantadu liu. Podstawski okupa iha fatin rekuadu liu iha meiu kampu.

 

Portugál hahú koloka iha prátika ninia futebál pozitivu, ho sirkulasaun di’ak ho jogadór sira ne’ebé hatene  koloka-an ho forma ida kapás iha kampu laran.

Liu deit minutu rua, Bruno Fernandes koloka ona bola ba baliza, maibé lanse ne’e  hetan interrompedu tamba  na’in ida “fora do jogo”.

 

Ho  kapasidade ne’ebé aproveitamentu ba espasu sira, ekipa nasionál hahú  halo remata ba diresaun baliza nian ne’ebé hetan defende hosi Rulli.

 

Primeiru hosi intermédiu ho remate hosi André Martins no Gonçalo Paciência, maibé lanse perigu boot liu ekipa portugeza nian iha primeira parte sai hanesan protagonista maka Bruno Fernandes.

 

Jogadór luzu, iha área laran, konsege remata, maibé hetan  dezviu hosi jogadór arjentinu.

 

Tama ba metade  primeiru tempu nian, ekipa Arjentina haksoit  no maski labolu, sai pragmátiku liu tan. Alviceleste kria oportunidade perigu rua atu  marka iha primeira parte.

 

Primeiru hosi  Correa, ne’ebé mosu iha pozisaun di’ak iha área klaran, maibé hetan korte 'in extremis' hosi  Edgar lê  ne’ebé evita senáru aat ida ne’e.

 

Hafoin hosi  Gomez  halo remata sai ba liur, besik tebes poste Bruno Varela nian.

 

Besik tama ba intervalu, selesaun portugeza evidensia ho defisit fíziku iha  minutu ikus  primeiru tempu nian.

 

Iha segundu tempu hahú hanesan ikus  primeira parte nian, ka , ho selesaun Arjentina domina liu Portugál.

 

Iha minutu 49, Portugál iklinadu hosi sorte. Hafoin mosu kontra-atake rápidu ida, Calleri konsege izola-an, iha saída Bruno Varela nian, tiru  bola kona guardiaun portugés, maibé bola kona deit iha barra.

 

Hafoin lanse ne’e, ekipa Rui Jorge hader no ameasa iha minutu 55 ho Gonçalo Paciência halo falla hosi falta ida, bainhita nia iha  pozisaun di’ak.

 

Tama iha minutu 58, Sérgio Oliveira hetan  okazaun perigozu ida, ho livre iha área laran, maibé remate kona iha muralla arjentina nian. Portugál kontrolu jogu no adiviña ho golu, ne’ebé ikus mai  mosu iha minutu 67.

 

Hafoin jogada ida kapás hosi Bruno Fernandes, ne’ebé kruza bola ba kotuk, simu hosi  Gonçalo Paciência, ne’ebé halo remate, sein ipótese ba Rulli.

 

Portugál kria tan okaziaun di’ak  rua: Primeiru hosi Bruno Fernandes ne’ebé  hasoru ho guardiaun Arjentina no hafoin Salvador Agra, halo remate ho pozisaun di’ak kontra Rulli nia-ain. Desperdísiu bele hamonu  ba rai aspirasaun  portugés nian, tamba Calleri no Pavón ne’e apontada seta ba baliza portugés.

 

Ho  forma ida atu segura presuza vitória, Rui Jorge hasai Gonçalo Paciência hosi kampo no hatama  Tiago Illori, hodi Portugál passa ba joga ho sentrál tolu.

 

Iha minutu 84, ekipa 'quinas' taka konta jogu nian. Pité, iha ninia estreia ba selesaun halo 2-0, lihosi  remate iha área liur, ho bola guardiaun Rulli ain.

 

Portugal hakat ho ain-los iha Jogos Olímpicos Rio de Janeiro nian, hafoin triunfu hasoru Arjentina ho 2-0. Ekipa 'quinas' assume primeiru lugar iha grupu D,haforin Honduras manán Argélia ho 3-2. Vitória justa ba ekipa Rui Jorge nian.

 

Sanulu-resin-ida hosi Arjentina: Rulli; Magallan, Gianetti, Cuesta, Soto, Gomez, Ascacibar, Martinez, Espinoza, Correa no Calleri.

 

Sanulu resin-ida hosi Portugál: Bruno Varela; Ricardo Esgaio, Tobias Figueiredo, Edgar Iê e Fernando Fonseca; Tomás Podstawski, André Martins, Sérgio Oliveira e Bruno Fernandes; Gonçalo Paciência no Salvador Agra.

 

 

SAPO TL ho SAPO Desportu