Portugal lidera kuadru medalla nian, Timor-Leste seidauk konkista medalla ida

Portugal lidera kuadru medalla nian ho medalla osan-mean hamutuk 18. Prova sira hotu iha loron-domingu oinmai. 

 

 

Portugal lidera kuadru medalla sira nian iha Jogu sira hosi Komunidade Nasaun sira Lian Portugeza (CPLP) nian, ne'ebé hala'o iha illa kabu-verdianu Sal, ho medalla osan-mean hamutuk 18, fó sai hosi organizasaun eventu nian iha loron datoluk kompetisaun sira nian.

 

Medalla osan-mean sira barak liu hetan hosi atleta portugés sira iha atletizmu, ho total 12, tuir medalla haat iha taekwondo no medalla rua iha natasaun, modalidade sira ne'ebé nia kompetisaun hotu tiha ona hanesan mós ho voleibol tasi-ibun nian. Portugal seidauk hetan medalla bronze ida.

 

Medalla sira seluk maka medalla prata no konkista iha modalidade sira natasaun (medalla rua) no atletizmu (medalla lima), iha total ida hamutuk 23.

 

Nasaun daruak ho medalla osan-mean maka'as maka Mosambike, ho total ida 12, no iha tan medalla prata hamutuk 11 no medalla bronze hamutuk ualu.

 

Tuir Angola ho medalla hamutuk 21, medalla osan-mean tolu, medalla prata neen no bronze hamutuk 12, Cabo Verde ho medalla osan-mean tolu, prata rua no medalla bronze neen no São Tomé & Prínsipe ho medalla prata hotu no bronze rua.

 

Timor-Leste ho Brazil seidauk hetan medalla ida, maski Brazil partisipa de'it iha modalidade sira hanesan andebol, futebol no basketbol, ne'ebé nia kompetisaun sira seidauk akontese.

 

Jogu sira CPLP nian destinadu ba atleta mane ho feto sira hosi sub-16, maibé iha natasaun no atletizmu paralímpiku bele partisipa hosi atleta sira sub-20.

 

Eventu tinan ne'e, hala'o iha Espargos no iha Santa Maria, iha illa kabu-verdianu Sal nian, iha prezensa hosi atleta sira hamutuk na'in 500 resin.

 

ho Lusa