Futebol angolanu estreia ho vitória

Selesaun futebol angolanu nian, manán ona iha loron-segunda ne'e nia konjénere Timor-Leste, ho 2-0, no besik ona ba faze oinmai. 

 

 

Selesaun futebol angolanu nian, ne'ebé joga iha edisaun dasanuluk hosi Jogu sira CPLP nian, iha illa Sal (Cabo Verde), manán iha loron-segunda ne'e nia konjénere Timor-Leste, ho 2-0, no besik ona ba faze oinmai, presiza empate ida.

 

Ekipa angolanu hetan benefísiu hosi golu ida ne'ebé marka sedu tebes, iha minutu sia, hodi kontrola dezafiu durante parte dahuluk. Remate ida hosi Fernando fora área, lahó hipóteze sira ba guarda-rede timoroan, hanesan determinante hodi hasai presaun ba komandu sira hosi Simão Lunguinha.

 

Hafoin golu, angolanu sira halo jogu ida kontensaun nian, obriga adversáriu hodi halai maka'as. Iha jogada kontra-atake ida, selesaun kuaze to'o iha golu daruak ho intermédiu Fernando nian, ne'ebé izoladu remata ba guarda-rede timoroan nian.

 

Iha parte daruak, Timor-Leste tama ho di'ak, hamosu situasaun oioin golu nian maibé angolanu sira maka marka iha minutu 68, hosi Melo, obriga timoroan sira so'e "toalla ba tapete".

 

Iha pontu final Angola, ne'ebé konta ho apoiu hosi públiku lokal, buka joga ba espetákulu, maibé lahó efeitu ne'ebé sira hakarak, lakon beibeik lansa atake nian. Ho rezultadu ne'e Angola hetan ona pontu tolu no iha loron-sesta sei hasoru Portugal.

 

@SAPO Desporto