Ronaldo ho Pepe kompete ba prémiu Jogadór Di'ak Liu iha Europa

Internasional portugés na'in rua tama iha top-10 no bele troka Lionel Messi, ne'ebé sai mós hanesan nomeadu. 

 

AFP Photo

 

Internasional portugés sira Cristiano Ronaldo ho Pepe, ne'ebé sai nu'udar kampeaun europeu klube sira nian no selesaun sira nian, halo parte iha lista final hosi kandidatu na'in 10 ba prémiu, aleinde portugés na'in rua ne'e iha mós galés Gareth Bale no alemaun Toni Kroos ne'ebé mosu nu'udar kandidatu hodi troka Lionel Messi hosi FC Barcelona ne'ebé hanesan mós figura entre finalista sira.

 

Sueku Zlatan Ibrahimovic, ne'ebé sai kampeaun fransés liuhosi Paris Saint-Germain, no brazileiru Neymar (FC Barcelona), sai hanesan naran sira ne'ebé falla iha prezensa top-10 ne'e, ida-idak hela iha postu 18 no 19 hosi eskolla sira jornalista sira hosi nasaun hamutuk 55 ne'ebé hanesan membru sira hosi UEFA.

 

Portugés Renato Sanches, hosi trikampeaun Benfica (agora sei ba alemaun sira Bayern de Munique), tama iha pozisaun 19 hosi lista, ho naran sira ho votu hanesan hosi Eden Hazard (Chelsea), Andrés Iniesta (FC Barcelona) no mós Neymar (FC Barcelona).

 

Italianu Gianluigi Buffon (Juventus), fransés Antoine Griezmann (Atlético Madrid no sai hanesan markadór di'ak liu hosi Euro2016), alemaun sira Thomas Müller ho Manuel Neuer (Bayern Munique) no uruguai Luis Suárez (FC Barcelona) kompleta ‘shortlist’.

 

Finalista na'in sanulu ne'e sei liuhosi votasaun foun ida no nia vensedór sei fó sai iha loron 25 Agostu, iha Mónako, durante serimóniu sorteiu ba faze grupu sira hosi Champions League 2016/17.

 

@SAPO Desporto