Scolari: " Posibilidade portugál sai kampeaun"

Portugál-País de Gales, iha meias-finais Euro2016, ne’ebé marka  ba iha 20h00 kuarta-feira ne’e, 06 fulan jullu.


Foto: Lusa

 

Luiz Felipe Scolari elojia prestasaun ne’ebé Portugál hatudu iha futeból Europeu. Antigu selesionadór Portugál ne’e fiar katak Ronaldo no kompañia bele hakat ba finál no manán. Maibé primeiru tenki afasta lai País de Gales, " Ekipa ne’ebé joga unidu tebes".

 

"Tuir ha’u nia  opiniaun, Portugál sei elimina País de Gales hodi hasoru Fransa. Hanoin katak  Fransa, liuhosi jogu ne’ebé ita haree, sei elimina Alemaña. Ita sei hasoru  difikuldade atu manán jogu  maibé ha’u hanoin katak  jogu difísil liu maka País de Gales, tamba superasaun jogadór portugés sira maka’as tebes kontra ekipa forte liu. Portugál iha possíbilidade  sai  kampeaun", haktuir tékniku brazileiru ne’e, iha deklarasaun ba RTP.

 

Agora treinadór  Guangzhou Evergrande  iha China ne’e husu atensaun ba perigu ne’ebé reprezenta hosi selesaun País de Gales.

 

"Portugál mai ona  hanesan ekipa ida, ho medida katak jogu sei passa no prontu atu tama ba finál. Maski nune’e, ekipa País de Gales hanesan ekipa sein estrela barak  maibé ekipa ida ne’ebé joga unida tebes, tamba ne'e, transforma-an sai adversáriu ida difísil moos", nia refere.

 

Portugál-País de Gales, iha meias-finais Euro2016, ne’ebé  marka ba 20h00 iha kuarta-feira ne’e, 06 fulan jullu.

 

SAPO TL ho  SAPO Desportu