Ronaldo: "Ha'u laran-moras haree Messi tanis"

Messi foti ona desizaun hodi husik selesaun Arjentina hafoin lakon iha final hosi Copa Amérika hasoru Xile. 

 

 

Cristiano Ronaldo hanesan tan ema ida ne'ebé ko'alia kona-ba Messi nia desizaun hodi husik selesaun Arjentina.

 

Bainhira hatán kona-ba asuntu, Ronaldo subliña ona katak Messi "foti ona desizaun todan no ita hotu tenki koko entende nia".

 

Tuir jornal ´As´, ne'ebé haktuir imprensa arjentina, kapitaun hosi selesaun Portugal nian hein katak astro arjentinu dada fali nia liafuan.

 

"Ha'u nia laran-moras haree Messi tanis", karik hanesan Ronaldo nia liafuan ba jornalista arjentinu sira durante preparasaun ba jogu entre Portugal ho Wales.

 

"Nia la toman hasoru lakon sira no desepsaun sira no mós lakon iha fatin daruak. Falla penálti ida la halo nia sai hanesan jogador aat ida. Messi foti ona desizaun ida ne'ebé todan tebes", Ronaldo hatutan no hein katak Messi bele fila ba selesaun Arjentina nian tanba "hanesan nesesáriu".

 

Messi foti ona desizaun hodi husik selesaun Arjentina hafoin lakon iha final hosi Copa Amérika hasoru Xile iha ne'ebé hanesan final datoluk konsekutivu ne'ebé maka arjentinu sira lakon hafoin iha Mundial2014 no Copa Amérika 2015.

 

@SAPO Desporto