Glik: "Ami tenki kuidadu ho livre hosi Ronaldo"

Portugál sei hasoru Polónia kinta-feira ne’e iha jogu ba kuartu finál Euro nian. Enkontru ne’ebé sei hahú iha 20h00.


 

Kamil Glik, defeza selesaun polaka no ekipa Torino, garante  katak ekipa preparadu ona atu  hasoru  Portugál.

 

Iha  entrevista ba jornal Weslo, sentrál ne’e garante katak  preokupasaun ida maka atu evita komete  falta besik ba área, hanesan  moos espasu ba jogadór kriativu hosi selesaun portugeza.

 

"Ami tenki kuidadu ho livre hosi Ronaldo iha metru 20-25  besik  baliza no evita halo falta", hatete nia.

 

"Jogadór hanesan Cristiano, Nani ka Quaresma labele hetan espasu atu movimenta livre no halo dribles, tamba ami lakon dalahitu ona iha  duelu sanulu", nia haktuir.

 

Glik sente konfiante hetan rezultadu pozitivu hasoru Portugál no bele liu iha oitavu finál.

 

SAPO TL ho SAPO Desportu