Raphael Guerreiro: "Karik Ronaldo lamarka, nia joga ba ekipa"

Portugál no Izlándia empata ho bola ida , iha jogu ba jornada dahuluk Grupu  F Euro2016 nian.


Foto: EPA

 

Cristiano Ronaldo lamarka iha empate Portugál hasoru Izlándia, iha  primeiru jogu Portugál nian iha  Euro2016. Kapitaun selesaun Kinas nian ne’e  lahatudu ezibisaun ida di’ak  maibé Raphael Guerreiro garante katak CR7 halo buat hotu atu ajuda ekipa.

 

"[Ronaldo] hanesan vensedór ida, sempre hakarak manán. Karik lamarka, nia joga ba iha ekipa", hatete lateral ne’e, iha deklarasaun ba beIN Sports.

Kona-ba  jogu ho Izlándia, Raphael Guerreiro informa katak falta efikásia iha selesaun kinas nian.

 

"Ami hakarak manán maibé sira defende ho di’ak. Menus mai ami maka  efikásia no konsentrasaun iha momentu balun. Ami tenki manán jogu hasoru Áustria no Hungria hodi bele okupa iha klassifikasaun prmeiru  ne’ebé ami deseja. Falta mai ami iha  ritmu, ami larápidu no tenki servisu. Jogu iha ami nia-liman, iha posse de bola liu, ami marka maibé lakonsege hetan segundu golu ne’ebé bele halo ami hakmatek. Maibé ami labele hatun ami nia oin. Agora ami sei halo buat hotu atu manán iha jogu tuir mai", nia haktuir.

 

Portugál no Izlándia empata ho bola ida , iha jogu ba jornada dahuluk Grupu F Euro2016 nian.

 

SAPO TL ho SAPO Desportu