Estreia Portugál ninian ho Quaresma sei mosu dúvida no Ronaldo tenta halo istória

Selesaun futeból portugeza iha ohin hahú ninia primeira viajen iha Euro2016 hasoru Izlándia, iha Saint-Étienne, ho Ricardo Quaresma sei iha dúvida, tamba problema fíziku, no Cristiano Ronaldo hela hakat ida atu kria istória.


 

Quaresma sente moras iha ain-los no hanesan  úniku  jogadór konvokadu 23 Fernando Santos ne’ebé dalaruma labele hasoru  izlandés, tamba  lezaun, iha jornada dahuluk Grupu F nian. Segunda-feira ne’e, estremu ne’e treina akompañadu no lahamutuk ho nia kolega sira iha selesaun.

 

Kazu sai titular iha estádiu Geoffroy-Guichard, hanesan ema hotu hatene, Cristiano Ronaldo aumenta tan ninia internasionalizasaun badala 127.ª  no hanesan ona ho Luís Figo iha topu jogadór nian ne’ebé maka reprezenta liu selesaun nasionál.

 

Golu ida deit moos sei lori avansadu Real Madrid ne’e sai markadór di’ak liu  iha istória Portugál nian iha  faze finál Europeu, hakat liu Nuno Gomes, ne’ebé lajoga tiha ona. Nain rua iha  tentu neen ne’ebé hanesan.

 

Kona-ba  selesionadór nasionál, Fernando Santos ne’ebé sei ba hasoru  Izlándia ho rejistu vitóriozu  100% iha jogu ofisiál hitu  ne’ebé  realiza iha komando ninian 'formasaun quinas'.

 

Banhira  jogu hahú iha  21:00, ho arbitrajen turku Cuneyt Çakir, portugés no izlandés bele hatene ona  rezultadu jogu seluk iha grupu ne’e, ne’ebé  hala’o entre Áustria kontra  Hungria.

 

SAPO TL ho Lusa