Maradona: "Ronaldo hanesan patrimóniu futebol nian"

"Astro" arjentinu elojia Ronaldo no afirma katak iha liu personalidade duké Messi. 

 

AFP Photo@ Gerard Julien 


Diego Armando Maradona fó sai iha loron-kinta ne'e katak Cristiano Ronaldo sei sai hanesan "krake" hosi Europeu no bele lori Portugal to'o final iha Paris. Ba selesionadór antigu arjentinu nian, Ronaldo hanesan patrimóniu mundial futebol nian.

 

"Hanesan jogadór ida ne'ebé mesak bele hatama ekipa ida iha final. Ronaldo hanesan patrimóniu futebol nian. Ema ruma ne'ebé gosta futebol, gosta Cristiano.

 

Presaun? Ha'u la fiar katak jogadór ida ho nia esperiénsia iha presaun iha kompetisaun ida hanesan ne'e. Sé maka tenki iha presaun maka defeza sira ne'ebé tenki marka nia iha jogu sira".

 

Iha Fransa hodi grava anúnsiu publisitáriu ida, "El pibe" halo antevizaun hosi Kampeonatu Europa nian. Ba jornal españól "As", Maradona refere katak Cristiano Ronaldo hanesan forte liu duké Messi iha lideransa. Ba arjentinu, avansadu hosi Barcelona laiha buat ne'ebé maka presiza hodi lidera ekipa ida.

 

"Messi hanesan ema di'ak maibé laiha personalidade. Laiha personalidade hodi sai hanesan líder ida".

 

Diego Armando Maradona koñese di'ak Lionel Messi. "Astro" arjentinu treina tiha ona Messi abinhira sai nu'udar selesionador hosi selesaun arjentinu nian. Komentáriu sira hosi jogadór antigu hamosu supreza tanba Maradona baibain defende Messi hanesan jogadór di'ak liu iha Mundu.

 

@SAPO Desporto