Ronaldo: "Ami iha jogadór ne’ebé motivadu, sei sai hanesan Europeu ida kmanek "

Portugál  tuir iha  kinta-feira ne’e ba Fransa ne’ebé maka sei joga iha Futeból Europeu loron 14, hasoru Izlándia.


Foto : Lusa

 

Cristiano Ronaldo joga deit minutu 45 maibé husik hela nia marka iha golu Portugál nian hasoru  Estónia. Kapitaun turma lusa halo golu rua hosi golu hitu ekipa nian, iha kalan memorável ne’e. CR7 hein katak Portugál halo Europeu ida dia’k iha Fransa. Avansadu ne’e hatete katak motivadu atu ajuda selesaun.

 

Goleadu: "Jogu ne’e laprova buat ida. Hanesan  jogu amigável, kontra ekipa ida, tuir ha’u nia entendimentu, asesível. Maibé parabéns ba ekipa, hatudu katak ami hotu iha fíziku ne’ebé di’ak. Maibé ami nia-ain tenki iha nafatin rai ".

 

Motivadu: "Nafatin motivadu, iha ha’u nia klube, ba prova hotu. Ha’u di’ak hela iha selesaun, motivadu,ba iha faze grupu hanesan teste ida ne’ebé di’ak".

 

konfiansa ba Euro: "Ami tenki halo jogu ida di’ak, iha uma. Sai hanesan jogu ikus molok Europeu no prova katak  ami treinu ho di’ak, treinadór moos servisu ona ho di’ak. Europeu. Sai hanesan esperansa. Iha jogadór  barak ne’ebé motivadu, badahuluk tama iha Europeu... Sei sai hanesan  Europeu ida kmanek".

 

Bola de ouro: "Sedu liu atu hanoin kona-ba ida ne’e. Ha’u hakarak manán buat ida importante iha klube, hanesan Champions no agora hakarak halo jogu ida di’ak iha europeu. Ha’u diak hela iha selesaun".

 

Portugál  iha  kinta-feira ne’e tuir ba Fransa ne’ebé sei hala’o ninia primeiru joga iha Futeból Europeu loron 14, hasoru Izlándia.

 

SAPO TL ho SAPO Desportu